spot_img

Mudui ejahar ka KSU ia 4 ngut ki contractor bar jylla ba pynkhein ia ka ain Work Permit

Date:

Share post:

Shillong, Naitung 13: Ka Khasi Students’ Union (KSU) ha ka sngi Thohdieng, kala ujor ejahar ia 4 ngut ki contractor bar jylla halor ka jingkynnoh ba ki pynkhein ia ki kyndon ka Inter-State Migrant Workmen (Regulation of Employment and Condition of Services) Act 1979 bad ki Rules kane ka Ain.

Ia kane ka ejahar la mudui da u General Secretary ka KSU-Laban Circle samla John Laloo ha Laban Police Station.

Ki saw ngut ki contractor bar jylla ba shah mudui ejahar ki kynthup ia u Aneshwar, u Pradeep Sarkar, u Azamat Ali bad u Ajiju Khan.

Mudui ejahar ka KSU ia 4 ngut ki contractor bar jylla ba pynkhein ia ka ain Work Permit

Kat kum ka ejahar la ong ba kine ki contractor kila wanrah ia ki nongbylla nabar ka Jylla khlem da ioh licence (Work Permit) na ki bor ba dei khmih.

Ka KSU kala ong ba ka jingaikam ia kine ki nongbylla nabar Jylla khlem da pynthikna ia ka rukom im jong ki, khmih ioh ki dei kiba la donkti kam bymman bad kiwei kiwei, ka lah ban ktah ia ka jingshngain jong ki paidbah ka Jylla na ka jingnang kiew ki kam bymman bad u droks

Ka ejahar ka ong ba u Aneshwar ula wanrah haduh 5 ngut ki nongbylla bar jylla, u Pradeep Sarkar ula wanrah 5 ngut, u Azamat Ali ula wanrah haduh 8 ngut bad u Ajiju Khan ula wanrah haduh 6 ngut ki nongbylla nabar Jylla.

Mudui ejahar ka KSU ia 4 ngut ki contractor bar jylla ba pynkhein ia ka ain Work Permit

Kane ka jingujor ejahar kala wan jia ruh hadien ka jingkhynra Work Permit jong ka Seng hynne ka sngi ha ki 11 tylli ki jaka ba tei jingtei kiba hap hapoh ka Laban Pyllun.

Ha kane ka jingkhynra, ka KSU kala lap haduh 52 ngut ki nongbylla bar jylla ki bym don work permit bad ia kine ki briew la pynphai noh sha ki Jylla ba ki wan.

Ka KSU kala lap ruh ba ki don 9 tylli ki jaka ba tei jingtei kiba pyntrei da ki contractor Khasi bad kiba pyntrei da ki nongbylla Khasi. Ka Seng ka ai khublei ia kine ki contractor kiba ai bylla iala ki paradoh parasnam.

Share post:

spot_img
spot_img

Popular

More like this
Related

Pynkup burom ka Nongstoin College ia 293 ngut ki samla pule

Shillong Nailur 05: Ka Nongstoiñ College ha ka sngi...

Iasoi MoU ka sorkar Meghalaya bad ka Asean One Japan ban plie lad ka ioh kam ia ki khun samla ka jylla

Shillong, Nailur 05: Ka sorkar Meghalaya, lyngba ka Meghalaya...

Shah pynkup burom ki nonghikai ha ka jingrakhe ka jylla ia ka Teachers Day

Shillong Nailur 05: Ka Sorkar Jylla hynne ka sngi...