Shillong, Jun 12: Ka Rangdajied United bad ka Khliehmawlieh kin hap ban ialehkai tyngeh ban jop ha ka sngi Baar ban pynthikna ba kin ioh rung sha ka Phainal jong ka Meghalaya State League 2023.
Haka jingiakhun ha ka semi phainal ha ka wat kaba nyngkong ka Rangdajied United kala shah pynliem haka Shillong Lajong FC da 3-0 ha ka jingialehkai ha Jowai, katba ka Khliehmawlieh kala shah pynrem haka Mawlai FC da 1-0 ha ka jingialehkai ha Tura.
Kitei ki jingiakhun kiban long haka sngi Baar kin long haka por 3 baje mynsngi ha kaba ka Lajong kan iakhun pyrshah biang iaka Rangdajied ha ka MDSA Ground, Mawkyrwat, katba ka Mawlai kan iakhun pyrshah ia ka Khliehmawlieh ha SSA Stadium, First Ground, Polo, Shillong.
Ki kynhun kiba jop ha ka semi phainal kin hap ban pynkhreh ban iakhun ia ka phainal jong ka MSL kaban long haka 17 tarik u Jylliew ha SSA Stadium, First Ground, Polo, Shillong.
