Shillong, Lber 06 : U Secretary ka Meghalaya Pradesh Congress Committee (MPCC) Manuel Badwar ha ka sngi Thohdieng ula ai dak ba u MP barim bad President ka party Bah Vincent H Pala u lah ban dei u kyrtong ban aireng ha ka Shillong Lok Sabha By-Election, haba ban jur ba kam pat don satia ka jingshim rai halor kane.
“Ki dei ki kam social-media….ngi kum ka party ngim pat iakren satia” ong u Bah Badwar haba iakren bad ki nongthoh khubor, haba kren ia ka khana online ba u (Vincent) lah ban iakhun ia ka by-election.
“Ngam tharai ba ka dei ka pork aba biang…..ngi hap ban ai katto katne por, da kaba burom ia u Dr Ricky AJ Syngkon uba la khlad noh” ong u Bah Badwar haba pyntip ba ka Congress ka dei ban sei ia u kyrtong uba la shemphang ia ka parliament ha ka jaka u riew thymmai, haba pynpaw ba tang arsnem shiteng ka dang sah ka samoi treikam.
Ula ong “U kyrtong thymmai u hap ban pyniahap satia bad ka Delhi, ban iakynduh briew, ban nang ia ka rukom treikam-ka dei ka kam kaba eh bha ha kum kane ka por kaba lyngkot”.
Ula pyniasnoh ia ka jingjied sha ki artylli ki jingdawa ka Jylla-ka Inner Line Permit bad ka jingkynthup ia ka ktien Khasi bad Garo ha ka Eight Schedule.
 Manuel Badwar ha ka sngi Thohdieng ula ai dak ba u MP barim bad President ka party Bah Vincent H Pala u lah ban dei u kyrtong ban aireng ha ka Shillong Lok Sabha By-Election, haba ban jur ba kam pat don satia ka jingshim rai halor kane.){kind=link}