New Delhi, Jylliew 09 : U Narendra Modi ula pynkhreh ban bam smai biang kum u Myntri Rangbah Duh ka Ri India ha ka sien ba lai mynta ka sngi. Ka Sorkar Modi 3.0 kan don ruh ia ki katto katne ki MP kum ki Myntri na ki Jylla ka thain Shatei Lam Mihngi.
Kat kum ka khubor, u Sarbananda Sonowal, uba jop na Dibrugarh Lok Sabha bad uwei na ki Nongialam bala rim ka BJP, la khmih lynti ba un ioh ia ka shuki Myntri ha ka Sorkar ba thymmai. Shuwa kane, u Sonowal ula shakri kum u Myntri ba khmih ia ka Tnad Ports, Shipping bad Waterways bad ruh u Myntri ka AYUSH.
U Sonowal u dei uwei na ki nongialam ba paw khmat bha ka BJP bad u dei ruh uba la shemphang bha ban pyniaid ia ki Tnad ka Sorkar Pdeng, ia kiba la khmih lynti ban ai peit ha u.
U Parimal Suklabaidya, uba jop na Silchar Lok Sabha seat bad ruh u Myntri Khynnah ka Assam, la khmih lynti ba un ioh ia ka shuki Myntri Khynnah. U dei u dkhot barim ka RSS bad uba iajan bha bad u PM Modi. U Suklabaidya ula jop na Silchar da 5,12,973 vote bad u dei uwei na ki nongialam ba khlain bor bha ha Barak Valley.
U Dilip Saikia, u MP ba ar samoi na Mangaldoi bad u nongtrei bala rim bha ka party bad ruh uba bat ia ka shuki National General Secretary ka BJP, la khmih lynti ba un ioh rung ha ka Sorkar Modi 3.0 bad u lah ban ioh iaka shuki Myntri Khynnah.
U Kamakhya Prasad Tasa, MP ka Rajya Sabha uba la ioh ticket na Kaziranga Lok Sabha hadien ba la phiah constituency, u dei uwei uba la khmih lynti ban ioh ia ka shuki Myntri Khynnah.
U Kiren Rijiju, u nongialam ba pawnam ka BJP na Arunachal Pradesh uba bat ruh kum u Myntri ka Sorkar Pdeng ba khmih ia ki tnad bapher bapher, la khmih lynti ba un ioh jaka lem ha ka Sorkar Modi 3.0. Mynta ka kyntu, u Rijiju ula jop na Arunachal West Lok Sabha seat da kaba pynliem ia u kyrtong ka congress Nabam Tuki da 1,00,738 vote.
Kiwei pat ki dei u Tapir Gao, uba jop na Arunachal East Parliamentary constituency uba lah ban ioh ia ka shuki Myntri hynnah. Nalor kine, ka Kirti Devi Debbarma kaba wan na ka Iingsyiem bad ba jop ia ka East Tripura ST reserve seat kaba dei ruh ka para u Nongseng ka TIPRA Motha u Prodyot Kishore Manikya Debbarma, ka lah ban ioh ia ka shuki Myntri Khynnah.
Ki MP kiba la shah phone ha u Modi
1. Amit Shah
2. Mansukh Mandaviya
3. Ashwini Vaishnaw
4. Nirmala Sitharaman
5. Piyush Goyal
6. Jitendra Singh
7. HDK
8. Chirag Paswan
9. Nitin Gadkari
10. Rajnath singh
11. Jyotiraditya Scindia
12. Kiren Rijiju
13. Jayant Choudhary
14. Annamalai
15. ML Khattar
16. Suresh Gopi
17. Jitan Ram Manjhi
18. Ramnath thakur (mos)
19. G Kishan Reddy
20. Arjun Ram Meghwal
21. Prahlad Joshi
22. AJSU MP Chandrashekhar Choudhary
23. Dr. Chandra Sekhar Pemmasani
24. Ram Mohan Naidu Kinjarapu
25. Lalan Singh
26. Shivraj singh chahuhan
27. Sonowal
28. Pratap Rao Jadhav
29. Raksha khadse
30. Kamaljeet Sehrawat
31. Rao Inderjeet singh
32. Ram Das Athawale
