Aizawl, Nohprah 10: Haduh hynriew tylli ki trok ba kit ia u kwai na Myanmar kila shah thang dusmon ha ki nongkhaii kwai ka Mizoram ha Mamit District hynne ka sngi saitjain.
Kat kum ka khubor, ia une u kwai la wanrah ban khaii tuh hynrei ia kine ki kali la ioh bat noh da ki nongkhaii kwai ka thain Mamit kiba la thang shisyndon ia ki kali.
Haba kynthoh ia kane ka jingjia, u MP ka Mizoram K Vanlalvena ula pynpaw ba u kyrshan ia kane ka jingthang ia ki trok va kit ia u kwai nongwei haba kdew ba une u kwai nongwei ula wanrah ia ki jingeh ia ki nongrep kwai ka thain.
Halor kane ka jingjia, ki Pulit kila kem ia 7 ngut ki briew ban tohkit.
Lah ban kdew ba wat ki nongrep kwai ka Tripura kila shem jingeh ban pyniaid iew ia u kwai sha ka Jylla Assam namar ka jingwan poi u kwai na Myanmar.
U Myntri Rangbah ka Assam Himanta Biswa Sarma ha ka 3 tarik Nohprah ula kular ia u Myntri Rangbah ka Tripura u Dr Manik Saha ban weng ia kine ki jingeh jong ki nongrep kwai ka Tripura haba wan khaii ia u kwai.
