Aizawl, K’lyngkot 31: Ki trai shnong ka Lawngtlai bad Siaha District ka Mizoram, kila pyrshah jur ia ka jingker sainar shiah ha khappud ka India-Myanmar bala tyrwa da ka Sorkar Pdeng.
Ki trai shnong kila leit ruh ban iakynduh ia u MP ka Rajya Sabha K Vavlalvena ha ka sngi Nyngkong ban pynpaw ia ka jingpyrshah haba pyntip ba kane kan sa ktah jur ia ka jingim jong ki bad ka kamai jakpoh.
U Vanlalvena ula kular ia ki trai shnong ba un sa iakren ia kane ka kam bad ka Sorkar Pdeng haba kular ban siew ia ka bai lut baisepjong ki nonghikai bala siewsngi na ka bynta ki phetwir Myanmar hapoh ka thain.
Ki trai shnong kila ban jur hakhmat u Vanlalvena ba ka jingker ia ka sainar shah kan pynduh ruh ia bun bah ka jaka, bad khanglad ia ki trai shnong ba sah ha khappud ban duh noh ia ka tyllong kamai.
U Myntri kam Pohiing ka Ri, Amit Shah dang shen ula pynpaw ban ker sainar shiah noh ha khappud India-Myanmar kaba long kumjuh kumba leh ha khappud India-Bangladesh. Ka Sorkar ka don jingthmu ruh ban pynkut noh ia ka soskular iarung iamih katba mon bad ka Myanmar.
Ka Mizo Zirlai Pawl (MZP) kala dep pynpaw ia ka jingpyrshah ban ker sainar shah ha khappud Myanmar bad ka jingpynkut noh ia ka soskular iarung iamih katba mon.
