Aizawl, Nailur 13: Ka seng bhalang kaba heh tam ha ka thain Lawngtlai jong ka Jylla Mizoram, ka la pynpaw ia ka jingkyrshan ia ka jingker sainar ia u pud u sam jong ka Indo-Myanmar ha Jylla Mizoram.
Ki nongialam ka YLA ki la ai ka jingkyrshan ia ka jingdonkam ban ker mardor ia u pud u sam namar ka jingbym don ka jingshong shngain hapoh ka Ri Myanmar.
Ka YLA ka kdew ba lada ker sainar ia u pud hapdeng ka Mizoram bad ka Ri Myanmar, kan tehlakam iaki kam khaii tuh bad kan pynduna ruh ia ki kam sniew hapoh ka Jylla. Kala pynpaw ruh ba ka jingker sainar kan ym pynthut ia kano kano ka jingleit jingwan daka ain namar kin don ki khyrdop talasi.
Ka jingker sainar kan ym ktah ia ki mrad kiba leit sha kiwei pat ki jaka namar ki don ki jaka ba la tyrwa na ka bynta ka jingleit jingwan jong ki.
Ka YLA ka ai jingkyrshan ia ka jingtyrwa jong ka Sorkar Pdeng ha ka jingiakynduh ia u Joint Secretary ka MEA u B Shyam uba dang don mynta ha ka jingleit jngoh ia ka Nongbah Aizawl.
