Mizoram : Kyrshan ka MNF ia ka Sorkar NDA ka BJP tang halor ki ishu : Zoramthanga

Aizawl, Nailar 13 : U Myntri Rangbah ka Mizoram bad President ka Mizo National Front (MNF) Zoramthanga, ha ka sngi Saitjain ula ong ka jingkyrshan jong ka MNF ia ka Sorkar National Democratic Alliance (NDA) ba ialam da ka BJP ka dei tang halor ki ishu.

Haba kren sha ki nongtrei ka party, u Zoramthanga ula ong ba u MP ba marwei ka MNF sha Lok Sabha na Mizoram C Lalrosanga ula pyrshah ia ka No-Confidence Motion ka Liang Pyrshah namar ka party kam sngewtynnad satia ia ka rukom leh jong ka Sorkar NDA halor ka jingjia ha Manipur.

“Ngi kyrshan ia ka NDA namar ba ngim lah ban iadonlang bad ka kynhun synrop ba ialam ka Congress. Hynrei, ka jingkyr shan jong ngi ia ka NDA ka shong kat kum ki ishu bad ngin pyrshah ia ka kynhun synrop lad aka iaid pyrshah ia ka bha ka miat ki paid Mizo” ong une u Nongialam.

U Myntri Rangbah ula ong ba ka Sorkar MNF kala kyntait ia ka hukum jong ka Sorkar Pdeng ban pynphai biang ia ki phwtwir Myanmar shala ka jong ka Ri bad shah ia ki ban shong riehtngen hapoh ka Jylla.

Pule lang ia kane: Kyntait ka Iingkashari ban ai jamin lypa ia ki Nongialam ka ACHIK bad GHSMC

Peit lang ia kane