Aizawl, Risaw 04 : Ki Pulit ka Mizoram kila ioh ban kurup ia bun bah u drok methamphetamine ba ju tip u crystal meth na Lengpui Airpot, Aizawl.
Une u drok ba ioh kurup u khia haduh 10. 4 kilo bad u shongdor haduh T. 31 klur ha ki iew ka pyrthei.
Ia une u drok la khaii sha Delhi na Myanmar da kawei ka kynthei kaba kyrteng ka Lalremthangi ba 38 snem ka rta, kaba la buhrieh ia une u droks ha ka synduk suitcase.
Dei ha ka por ba scan ia kane ka synduk hapoh ka INDIGO security X-Ray baggage ystem hapoh ka Airport, la shem ba u droks u don ha kane ka suitcase.
Ia kane ka kynthei la kem noh marddor bad la register case ia ka hapoh ka Special Narcotics Police Station hapoh ka kyndon NDPS Act bad Foreigners Act.
Ha ka jingtohkit, la shem ba kane ka kynthei ka dei ka nongshongshnong ka Myanmar bad ka shong ka sah ha Delhi bad ka trei ha kawei ka dukan Spa. Kane ka briew ka dang shu leit shen sha Myanman bad kala wan phai pat sha Delhi lyngba ka Aizawl ha ryngkat bad u droks ban pynpoi sha Delhi.
