Aizawl, Naiwieng 07 : U Myntri Rangbah ka Mizoram Zoramthanga ha ka sngi Ba-ar, ula pynpaw ia ka jingsngewskhem ba ka Mizo National Front (MNF) kan wanphai biang sha ka bor synshar hapoh ka Jylla.
Haba iakren bad ki nongthoh khubor, u Zoramthanga ula ong “Da ba iaid kat kum ka jinglong ka sain pyrthei mynta ka sngi ha ka sngi thep vote, nga la thikna ba ka MNF kan wan phai biang ha ka bor ha Mizoram”.
“Ngi (MNF) dei ban ioh thaw biang da kaba suk ia ka Sorkar ha Mizoram” ula ong haba bynrap “Khnang ban iohthaw ia ka Sorkar, ngi donkam 21 seat. Ngi kyrmen ba ngin ioh palat ia kata, lehse 25 lane tam. Nga ngeit ba ngin ioh bun tam ka jingjop”.
U Zoramthanga ialade ula iakhun ia kane ka elekshon MLA na Aizawl East-I constituency.
Lah ban kdew hangne ba u Zoramthanga ula thep ia ka vote ha ka jingpyrshang ba arsien hadien ba u khlem lah ban thep ia ka sien ba nyngkong namar ka jingthut ka kot EVM.
Kat kum ka jingpyntip ka ECI, ka jingpoi ki nongthep vote kat haduh ka por 1 baje janmiet kala kot 52.69%.
Ka jingiathep vote ha kane ka Jylla kala sdang ha ka por 7 baje hynne ka step 7 tarik Naiwieng. Haduh 174 ngut ki kyrtong kila iakhun ia kane ka elekshon, kiba ap mynta satang ia ka rai u paidbah ka ban sa mih ha ka 3 tarik Nohprah, kaba dei ka sngi niew ia ki vote.
Pule lang ia kane: Iakynduh ka KSU ia ka DMHO ba dkoh ka rukom shakri ka Mawlasnai PHC
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
