Aizawl, Nailur 04: Ha ka jingwad bniah, ki Pulit ka Jylla Mizoram, ki la kem ki shi kurim naka Jylla Jharkhand hadien hynniew snem ba kynnoh ba ki la pyniap ia u paralok jong ki ha Aizawl.
Kine kiba shah kem ki kynthup u Manik Das (44 snem) bad ka kurim Anjali Devi (40 snem). La kem ia ki na ka ïing sah jong ki ha ka shnong Aamdhari ha Dumka district ha ka 29 tarik Nailur bad la wanrah ïa ki sha Aizawl ha ka sngi thohdieng.
“Ki shi kurim kid ei ki nongbylla sngi bad la kynnoh ba ki la pyniap ia u paralok jongki u Mangra bad ki la tep ia ka met jong u hapoh kawei ka iingsah ba shu wai ha ka thain Falkland ha u bnai Lber 2017. U Mangra, u dei ruh naka Jylla Jharkhand, u sah lang bad kitei ki arngut ha ryngkat bad lai ngut ki khun jong ki,” la ong uwei u pulit.
Kane ka jingjia, ka la paw pyrthei ha ka 25 tarik Lber 2017, ha kaba uwei u nongialam jong ka Young Mizo Association (YMA) u la pyntip sha ki pulit halor ka jinglap ia kawei ka met iap ha kawei ka iing.
Ka kynhun Pulit na thanat Bawngkawn ki la leit mar mar sha katei ka jaka, ki la leh iaka ba donkam bad ki la sdang ia ka jingtohkit.
La register ia ka Case ha Bawngkawn police station ha u bnai Iaiong 2017 katkum ki kyndon 302 bad 201 jong ka Indian Penal Code (IPC).
Ha ka 26 tarik Nailur ka kynhun pulit kaba don 5 ngut ki Pulit ba ialam da ka Inspector Maria Biakchungnungi haka jingkhmih da u SP ka Aizawl, u Rahul Alwal, ki la leit sha Jharkhand bad la wanrah ia kitei ki 2 ngut sha Aizawl.
 u la pyntip sha ki pulit halor ka jinglap ia kawei ka met iap ha kawei ka iing.){kind=link}