Guwahati, Naitung 12: Ka National Investigation Agency (NIA) kala chargesheet pyrshah ia san ngut ki briew kiba khaii tiar siat na ka jylla Mizoram kiba ia donkti ban buh ia ki tiar ba la khang pyrshah ban pynpoi sha ki kai khlaw sha Bangladesh.
Kine ki briew kiba la shah kynnoh la tip kyrteng kum u Lalbiakchunga ba ju khot sin kum u David, u Lalthawmcheuva ba ju khot sin kum u Thawma, u Malsawma ba khot sin Malsawma Loncheu, u Rualliansanga ba ju khot kum u Sanga, bad u Alok Bikash Chakma, kila shah pynngat hapoh ka Bharatiya Nyaya Sanhita, 2023, the Unlawful Activities (Prevention) Act, 1967, the Arms Act, 1959, and the Foreigners Act, 1946.
La registered case da ki pulit ka jylla Mizoram ha ka 15 tarik u kyllalyngkot 2025 bad la shimti noh da ka National Investigation Agency ha u bnai Lber badla register biang kumka RC-05/2025/NIA-DLI.
Ka agency ha ka jingtohkit kala pynpaw ïa ka jingthmu ban pynpoi ïa ki tiar bad ki kuli sha ki lehoh jong ka United Peoples Democratic Front (UPDF), ka kynhun lehnoh ba la khang pyrshah kaba don ha Chittagong jong ka ri Bangladesh.
Kine ki tiar kiba la ioh kurup na ka shnong Saithah ha Mamit District, ki kynthup ia 6 tylli ki suloi AK-47, 13 tylli ki Magazine, bad 10,050 tylli ki kuli.
Shuh shuh na ka liang jong ka NIA ka la ong ba ki jingtohkit ki dang iaid shakhmat bad ka jingkem briew ia kiba donkti ha kane ka kam kan dang lah ban bun.
 kala chargesheet pyrshah ia san ngut ki briew kiba khaii tiar siat na ka jylla Mizoram kiba ia donkti ban buh ia ki tiar ba la khang pyrshah ban pynpoi sha ki kai khlaw sha Bangladesh.){kind=link}