Nongpoh, kyllalyngkot 10: MDC ka Umroi bah Rangkynsai Kharbuki hynne ka sngi Balang, u la plie paitbah iaka jaka jngoh kai pyrthei ba dang thymmai kaba don harud ka Wah Umiam, ha ka thain Umroi.
Kane ka jaka jngoh kai ka dei kaba la tip kum ka Umsaitprah River View Eco Tourism kaba hap haka shnong Umsaitprah .
Ia katei ka ka jaka jngoh kai la bei tyngka lyngba HDFC Parivartan lem bad ka jingïasnohkti lang ka dorbar shnong. Ha katei ka jaka jngohkai phin shem ïa kawei ka wah ka jaka sah lem bad shibun ki ja ka pynbyrngiah naka bynta ki heprit.
U Chairman ka Dorbar Shnong Umden Umsaitprah Bah Defender S Lamare u la iathuh ba ka shnong ka don ïaka jingthmu ym tang ban tei ïaka jaka jngohkai hynrei ban kyntiew ruh ïaka jingioh kam ioh jam jong ki nongshnong shnong bad lyngba kane ka jaka jngohkai la kyrmen ba kan ïarap shibun naka bynta kito kiba khlem kam haka ba kin ioh ban trei ha kane ka jaka.
U bah Defender u la ai ka jingkhublei ïaki nongtrei jong ka HDFC Parivartan bad ïaki nongtrei jong ka FXB ba ki la iarap ban bei tyngka ban pynwan dur ia kane la jaka.
Kiba la iadonlang ha kane ka sngi ki kynthup ia u bah Obinus Suting, Project Incharge FXB India Suraksha, bah Kitborlang Lyngdoh Project Coordinator FXB Umsaitprah, Rangbah shnong Umden Umsaitprah bah Pailan Kurbah, Chairman Dorbar Shnong Umktieh Pyllun bab Dius Jyrwa bad kiwei kiwei.
