Shillong K’lyngkot 24: U kyrtong ka TMC bah Samborlang Diengdoh ula pynbna ba yn iakhun noh kum u kyrtong shimet ha ka MLA Election 2023 na ka Pynthorumkhrah Constituency.
U Bah Samborlang ula ong, ka daw kaba la pynlong ia u ban mih noh na ka TMC kadei namar ba kala jur palat ka jingkawang ktieh kumta u kwah ban iaid noh hala ka jong ka lynti ban kiar na ka jingkawang ktieh iwei ia iwei i pat bad ban iaid ha lynti ban ai tang ia ki jingkular kiba lah ban pynurlong ym ban kular ia kaei kaei ka ban ym lah ban pynurlong satia.
“Nga kwah ban iaid noh ha la ka jong ka lynti namar ha ka party ka jur palat ka jingshah kawang ktieh” ong u bah Sam bad ka bynrap ba ym don eiei pyrshah pat iaka party.
Ula ong, naduh kaba sdang hi ula don jingmut ban iakhun kum u kyrtong shimet hynrei namar ka jingiohi iaka jingshimkhia ki nongialam ka TMC kumta ula leit ban pyniasoh bad ka TMC.
“Mynta nga la resain noh na ka seng TMC bad gann iakhun noh iaka elekshon MLA kum u kyrtong shimet na Pynthorumkhrah Constituency” ong u bah Samborlang bad kane kan iarap shibun ia u ha ka jingiakhun iaka elekshon.
