Shillong, Nailar 12: Ki Pulit ka East Khasi Hills, kila ioh kem ia 4 ngut ki nongtuh kynthup ia ki nongniah bad nong bud trok, namar ka jingpyrshang ban shukor bad pynthame ia ki Pulit na ka kam bymman ba ki leh-kata ba die tuh ia ki narrod ba shongdor haduh T.10 lak.
Kine ki 4 ngut ki kyrteng u Deibormi Mukhim (40), u Robert Shadap (25), u Babiangbor Mylliem (38) bad u Shopstarwell Jana (35).
Kat kum ka jingiathuh u Superintendent of Police ka East Khasi Hills, ha ka 9 tarik Nailar, ki Pulit kila ioh pdiang ia ka ejahar na u Deibormi Mukhim bad u Robert Shadap ba pyntip ba ha ka 8 tarik Nailar, katba ka trok jong ki (NL01-K-6051) ba kit nar rod ka dang ieng ha Mawryngkneng By-pass, saw ngut ki briew ba rah da ka tari, kila wan rung jubor hapoh ka trok ha ka por 8:50 baje mynmiet bad kila patan jubor ia ki ha kawei ka Alto-800 ka bym don satia u nombor plate.
U iathuh ba kine ki arngut kila pyntip ruh ba don ruh sa uwei u nongniah jong kawei ka trok ML05-T-3858 ha kane ka kali ia uba la shah set lang baroh shimiet bad la pyllait tad haduh ka step 9 tarik Nailar ha Pynursla.
Une u Heh Pulit u iathuh ba ha ka jingtohkit, ki Pulit kila lap pynban ba u Deibormi Mukhim bad u Robert Shadap kila suhbuit lypa ban pynhiar ia kine ki narrod ha Pommura bad hadien kane, kila pynkit pat ha kawei ka trok ba don u nombor ML05-T-3858.
Ki Pulit kila pynlong ia ka jingtohkit kaba bniah bad kila lap noh ia kine ki narrod na ka shnong Laitkyrhong bad Jongsha bad u narrod bala ioh kurup u don kumba 18.5 ton, uba shongdor hadpeng T.9.5 lak lane T.10 lak.
Nalor kane, ki Pulit kila lap noh ruh iaka trok NL01-K-6051 (12 shaka) bala pyntip ba kala jah,naka shnong Mukhla, West Jaintia Hills District katba ia ka trok ML05-T-3858 bala pyndonkam ban leh ia kane ka kam bymman, la ioh ban kurup na 7 mer Baniun, Upper Shillong.
Halor kane ka jingjia, ki Pulit kila register case ha Mawryngkneng Police Station hapoh ka kyndon 309 (4)/137 (2) jong ka BNS bad kila kem ia kine ki 4 ngut ki briew.
Ka jingtohkit ia kine ki 4 ngut kala iaid shakhmat.
, u Robert Shadap (25), u Babiangbor Mylliem (38) bad u Shopstarwell Jana (35).){kind=link}