Guwahati, Nailar 5: Ka jingiaklumar kala mih kynsan hapoh Cachar District jong ka jylla Assam, hadien ba uwei u briew uba la 45 snem ka rta uba don ka jingduna ha ki dkhot met uba la tip kyrteng kum u Nirmal Namasudra, la kynnoh ba ula shah shoh haduh ban da iap ha ki saw ngut ki shipai Border Security Force (BSF).
Ia ka jingujor ejahar la rejistar ha Kalain Police Station pyrshah ia ki saw ngut ki shipai kiba la shah kynnoh.
Katkum ki khubor, ia u Namasudra la kynnoh ba u la shah shoh ha ka miet sngi Thohdieng (shi tarik u Nailar) bad u la khlad noh na ka daw jong ka jingmynsaw ha ka por mynstep ha Silchar Medical College and Hospital (SMCH).
Halor kane ka jingjia kala mih ka jingïakhih ha ka thaiñ Katigorah ha ka sngi u Blei, ha kaba ki paidbah nongshong shnong ki la kynnoh ba ki shipai BSF ki ju pynshitom beiñ ïa ki riew paidbah ha ka por ba ki pynlong ïa ki kam pahara ha ka por miet.
U SSP jong ka Cachar, u Numal Mahatta u la ong ha ki lad pathai khubor, “Ia ka jingujor ejahar la dep ban rejistar bad ka jingtohkit ka dang iaid shakhmat.Kiba ha iing jong u Nirmal kila kam ba ula shah pynshitom beiñ haduh ban da ïap. Hynrei ki BSF ki la kam ba ki la lap ïa u ba u la buaid bad ki la pyllait im ïa u. Ngi dang tohkit ïa baroh ki liang.”
Katkum ka ejahar, u para jongu, u Srimat Roy, u la kynnoh,“Ki shipai BSF ki la patan jubor ïa u hynmen jong u shapoh kali jong ki. Haba ki nongshong shnong ki la pyrshang ban tuklar, ki la shah byrngem da ki suloi bad shah byrngem.”
Na ka liang u ophisar ki BSF u la kam, “La lap ia u ba ula buaid bha bad mynsaw.Ka kynhun BSF kaba la iarap ia u bad rah ruh ia u sha hospital bad kila iarap ruh ia ki ba ha iing ban kit noh ia u sha SMCH. Hynrei sngewsih ba u la khad noh ha lynti.”
.){kind=link}