Shillong, Jymmang 19: Ka Voice of the People Party (VPP) kala mih jyndat na ka jingialang jong baroh ki seng sain pyrthei kaba la khot pynlong da u Myntri Rangbah ban iakren halor ka Roster System.
Ki Nongmihkhmat ka VPP kila shim ia kane ka sienjam halor ka jingsngew ba kam don jingmut ban iakren ia ka Roster System khlem da ktah ne iakren lang ia ka State Reservation Policy.
Ha kane ka sngi lah iohi ba ki paidbah kila iamih ban kyrshan ia ka VPP da ka jingiawan synran lang haduh ka jaka pynieng kali kaba don marjan ka Additional Secretariat.
