Shillong, Jylliew 08: Ka Meghalaya Football Association hynne ka sngi u Blei kala pyntip ba kin do n13 tylli ki kynhun kiban iashimbynta ha ka Meghalaya Women’s State League, kaban long ha u Nailar 2025.
Ka jingkhmih lynti kan long kaba jur bha, kaba dei ha ka sien kaba nyngkong ha ka jylla baroh kawei kan don ka Women’s League ha kaba ki District Association kiba la pyniasoh bad ka MFA kin iashimbynta ha kane ka jingiakob ialehaki football ki kynthei.
Kadei ka thong jong ka MFA ban pynlong ia ka Women’s League bad kane ka jingangnud kan sa urlong ha kine ki bnai ban wan kaban kyrshan ruh da ka sorkar jylla.
Ka MWSL kan long ka jingplie lad ia ki club ha Meghalaya ban iashimbynta ha ka Indian Women’s League Second Division (IWL 2) ha ka sien kaba nyngkong eh.
Phra tylli ki District Association kila pynlong ia ka jingiakob ialehkai ki kynthei bad 13 tylli ki kynhun kila pynthikna ban iashimbynta ha kane ka MWSL.
Ka MFA kala lum ia ka jingialang bad ki nongmihkhmat jong ki Club ha ka sngi Saitjain ban iakren halor ki kam kiba iadei bad ka MWSL.
Ka Tarik ban pynlong ia kane ka jingiakob, ki jaka ban pynialehkai bad kiwei kiwei yn sa pynbna kham hadien da ka MFA.
Ki kynhun kiban iashimbynta ki kynthup:-
Ri-Bhoi District Sports Association – Na Rympei Football Academy (Champion) bad ka Pahamsyiem SC (Runners-up),
Shillong Sports Association – Laitkor SC (Champion), Pay For Right Football Academy (Runners-up),
Mawkyrwat District Sports Association – Jakrem SC (Champion), Mawten SC (Runners-up)
Pyndengumiong District Sports Association – Young Sports Social and Cultural Club (Champion), Bright Future SSCC (Runners-up)
East Jaintia Hills District Football Association – Diengshynrum SC (Champions)
Tyrsad Area Sports Association – Mawlum Tyrsad SC (Champion), Mawsawrit SC (Runners-up)
Riwar Mihngi Football Association – Lapalang SSCC (Runners-up)
Laskein Block Sports Association – Chirupheiwei Nongkynrih FC (Champion)
