Shillong, Jun 3: Ka Shillong Lajong kala ioh rung sha ka semifinal jongka Meghalaya State League 2023 hadien ba kala iakhaid noh hynne ka sngi bad ka Seven United da 0-0 ha ka jingiakahun haka Group C kaba la long ha MDSA Ground Mawkyrwat.
Watla ka Lajong kala jop ha baroh ki jingiakhun hynrei hynne ka sngi kam shym la lah ban pynliem iaka Seven United bad u Rangkynsai ka Lajong u Babysunday ha shwa ban kut ka jingiakhun ula ioh iaka Red Card.
Ka SLFC ka dang don sa kawei ka jingiakhun ha kti kala kamai 10 point katba ka Seven United kaba bud nadien jong ka SLFC kala jop arsien bad iakhaid 3 sien bad kamai 9 point.
Katba iaka jingiakhun ha ka Group D, hapdeng ka Chipakkore pyrshah iaka Wa’sa FC la pynkynriah noh ha ka Lah Sngi u Blei.
Katba ha ka Group B ha Kiang Nangbah Stadium, Jowai, ka Rangdajied United kala pynliem iaka Youth Club Pdengkarong da 3-2 kol.
U Balamlynti Khongjee ula thep iaka kol ha ka minit kaba 3 naka bynta ka RUFC hynreitang hadien 10 minit u nongialehkai ka Pdengkarong u Kindness Mukhim ula ioh ban thep ia ka kol ha ka 14 minit. Hadien kane u Oresterwell Langshiang ula thep iaka kol haka minit kaba 65 bad u Khongjee ula ioh ban thep biang ia ka kol na ka bynta ka RUFC ha ka minit kaba 83, katba u Marshial Nongrum ula ioh ban thep iaka kol na ka bynta ka Pdengkarong.
Ha ka Group A kaba la long ha Shillong, ka Langsning kala pynliem iaka Jyntru da 4-0, ha kaba u Kampher Pale ula thep ia ka kol haka minit kaba 3, u Wilbert Marbaniang ha ka minit kaba 18 bad ha ka minit kaba 73 lyngba ka Penalty bad u Roikhihbha Nongtdu ula thep ia ka kol ha ka minit kaba 78.
