Tyngshain ki Karatekas ka Meghalaya ha ka Kanninjuku National Karate Championship 2025
Shillong, K’Lyngkot 8: Sanphew saw ngut ki nongïalehkai karate na Meghalaya ki la wanrah ïa ka nam bad burom ïa ka jylla da ka jinglah ban ïalehkai bha ha ka Kanninjuku National Karate Championship 2025, kaba la long ha DC School, Khandala, Maharashtra, naduh ka 30 haduh ka 31 tarik u bnai Nohprah, 2025.
Ka kynhun ba khlaiñ jong ki rang bad ki thei ïalehkai karate na ka jylla kiba la ïashim bynta ha kane ka lympung, ka la pyni ïa ka jingïalehkai kaba itynnad bha, ha kaba ka la ioh rah kum ka nongjop Overall Team Champions.
Ka kynhun ka la ïoh 58 tylli ki takma Ksiar, 49 tylli ki takma Rupa, bad 26 tylli ki takma Rupa, kaba pyni ïa ka jingtbit bad ka jingaiti lut kaba kyrpang jong ki.
Ka Esaranaki Kharjana bad u Daniel Dabiangbha Warji ki la shah jied kum ki Best Karateka ha ka kyrdan ïalehkai ‘kynthei bad shynrang’ kaba la nang pynpaw shuh shuh ïa ka jingtbit jong ka jylla ha kane ka jingïalehkai.
Ka All Meghalaya Karate-Do Association ka la ai khublei ïa baroh ki nongjop takma, ki karateka, bad ki ophisar kiba la synran ïa ka kynhun ïalehkai ka jylla, da kaba ïaroh ïa ka jingjop bad ka jingaiti lut jong ki ha kane ka jingïalehkai.
