Shillong, K’Lyngkot 19: Ka Boxing haka 5th Meghalaya Games kala kut noh hynne ka sngi haka ba ka East Khasi Hills kala khur 30 takma, kynthup 9 ki ksiar, 9 rupa bad 12 rnong.
Ka Boxing kala long ha Don Bosco School, Tura naduh 16 haduh 19 tarik mynta u bnai.
Kaba wan baar kadei ka West Jaintia Hills ha ryngkat 3 tylli ki ksiar, 2 rupa bad 1 rnong, ka Ri Bhoi kala ioh 2 ki ksiar, 1 rupa bad 3 rnong bad haka kyrdan kaba saw la wan daka West Garo Hills daka ba ioh 1 ksiar, 1 rupa bad 3 tylli rnong.
Haka liang ki shynrang kaba don 9 weight categories kata 48 kg, 51 kg, 54 kg, 57 kg, 60 kg, 63.5 kg, 67 kg, 71 kg, bad 75 kg, haki kynthei ka don 6 weight categories kata 48 kg, 50 kg, 52 kg, 54 kg, 57 kg, bad 60 kg.
Haka liang ki kyntthei ka East Khasi Hills kala ioh 4 tylli ki ksiar naki 6 tylli bad 2 tylli ki takma ksiar ki leit shaka Ri Bhoi.
Ka Sonia Gurung (48 kg), Shreena Thapa (50 kg), Eva Waynie Marbaniang (52 kg) bad ka Reetika Sarkri (57 kg) kila ioh takma ksiar naka bynta ka East Khasi Hills, naka bynta ka Bhoi ki artylli ki takma ksiar kila leit shaka Banisha Makri (54 kg) bad Rishisha Jana (60 kg).
Haka liang ki shynrang, ka East Khasi Hills kala ioh 5 tylli ki ksiar katba ka West Jaintia Hills kala ioh 3 tylli ki ksiar bad ka West Garo Hills kala ioh kawei ka takma ksiar.
Naka bynta ka East Khasi Hills, u Sanjeev Maskut (48 kg), Khrawbok Marwein (51 kg), Banjop Nongkhlaw (54 kg), Sunil Limbu (57 kg), bad Mankhrawkupar Khartiewlyngksiar (75 kg) kila ioh takma ksiar
Naka bynta ka West Jaintia Hills u Ram Lyngdoh (60 kg), Badonkupar Synnah (63.5 kg) bad u Bhalang Shadap (67 kg) kila ioh takma ksiar.
Naka bynta ka Garo Hills, u Balnas Sangma ula ioh takma ksiar haka 71 kg daka ba pynliem ia u Sahil Sharma jong ka East Khasi Hills.
