Tura, Kyllalyngkot 16: Ka East Khasi Hills kala ioh ban khur bun ia ki takma ha ka jingialehkai ia ka Wrestling ha ka Women Freestyle Wrestling bad wat ki nongialehkai Badminton jong ka East Khasi Hills ruh kila ioh ban khur iaka jingjop ha ka jingiakhun ka jongka haka Meghalaya Games hynne ka sngi Baar.
Ha ka Women Freestyle Wrestling 45kg, ka Ribhalang Sun na East Khasi Hills kala khur ia ka takma ksiar, katba ia ka takma rupa la khur da ka Rikyntiew Nongrum jongka East Khasi Hills.
Ha ka Freestyle Wrestling 48kg, ka Scolastica Rymbai kaba na East Khasi Hills kala khur ia ka takma ksiar, katba ia ka takma rupa la khur da ka IbakordorJyrwa na East Khasi Hills.
Haba phai sha ka jingialehkai Badminton kala lah ban pyndep ia baroh ki jingialehkai jong ka semifinal ha kaba ka Nitania Tariang (EKH) ka la jop ia ka Sengte WD Shira (WGH) da 21-12, 21-8, ka Shimtihun Lyngdoh (WKH) kala lah ban pynliem ia ka Nihaka Lamare (WJH) da 21-12, 21-15.
Ha ka jingiakhun jong ki shynrang u Raynel Kharbuki (EKH) ula lah ban pynliem noh ia Raymond Ronghang (RBD) da 21-10, 21-15, u Stephan Marwein (EKH) u la jop ia u Mewanlamkupar da 18-21, 21-19,21-14.
Ha ka jingialehkai ba shijur ki kynthei ka Shimtihun Lyngdoh bad ka D Kharbani (WKH) kila lah ban pynliem noh ia N.A Sangma bad SWD Shira (WGH) da 21-12, 21-10. Katba ka Nitania Tariang bad Carlynda Nongbri (EKH) kila pynliem noh ia ka D Lyngdoh bad D. Ryngkhlem (WJH) da 21-8, 21-18.
Haba phai pat sha ka jingiakhun ki shynrang u B Lamare bad L Suchiang kila jop ia u Gaurav Dutta bad u Biswajit Ghosh 21-19, 21-17, katba u Raynel Kharbuki bad P Mazumdar (EKH) kila pynliem noh ia u Babrian bad Raymond (Ri-Bhoi) 21-8, 21-11.
