Tura, K’lyngkot 16: Ka kynhun ialehkai ki thei U-18 ka Ri-Bhoi District kala jam mynta sha ka semi phainal da ka jinglah ban pynliem ia ka East Jaintia Hills ha ka jingiakhun kaba itynnad bha hynne ka step sngi Ba-ar.
Ka kynhun ka Ri-Bhoi kala lah ban pynliem ia ka EJH da 1-0 kol bad ap mynta ban iakhun ia ka semi phainal ha ka madan PA Sangma Stadium.
Baroh artylli ki kynhun kila ialehkai bha haba sdang jong ka jingiakhun hadien ka jingwan phai na ki jingjop ba don burom ha ki jingiakhun bala lah. Ka Ri-Bhoi kala pynliem ia ka West Jaintia Hills da 8-0 kol ha ka 14 tarik Kyllalyngkot katba ka EJH kala pynlieh hi ia ka WJH da 7-0 kol ha ka jingiakhun ba long ha ka 12 tarik.
Kine baroh artylli ki kynhun ki donkam ia ka jingjop ban ioh rung sha ka semi phainal hynrei dei ha ka kylla step jong ka jingiakhun, ka Ri-Bhoi lyngba ka samla Rimika Khongkai ba phong jersey no 11, kala ioh ban rung lyngba ki thei ialehkai ba shadien ka EJH bad ioh ban thep ia ka kol, kaba la pynlong ia ka kynhun ban ioh tam shakhmat.
Haba wanphai ha ka kylla miet, ka EJH kala pyrshang dohiap ban ioh pynphai ia ka kol hynrei ka Ri-Bhoi kala iada satar khlem da ailad satia haduh ban da kut ka por ialehkai.
Kane ka jingiakhun kala kut da 1-0 kol haba kur ka por ialehkai, kaba phah ia ka Ri-Bhoi sha ka semi phainal.
Ka Ri-Bhoi mynta kan iakhun pyrshah ia ka Eastern West Khasi Hills District ha ka semi phainal ka ban long ha ka 18 tarik Kyllalyngkot ha PA Sangma Stadium.
