Tura, K’lyngkot 12 : Ka kynhun ialehkai ki thei U-18 jong ka South West Khasi Hills, kila ioh ban khur ia ka jingjop ha ka jingiakhun ba nyngkong jong ka lympung Meghalaya Games 2024 pyrshah ia ka West Garo Hills.
Ka South West Khasi Hills kala ioh ia ka jingjop da 4-0 kol.
Ka jingiakhun jong ka kylla step ka dei kaba itynnad bha bad la iohi ia ka jingiakhun kaba iakhaid ha kaba ka jingiakhun kala kut khlem ka jingiathep kol.
Dei ha ka kylla miet, ka kynhun ka South West Khasi Hills kala ioh ban pynkhih jar bad ioh thep syndon haduh 4 kol bad khlem ailad satia ban don ka jingpynphai kylla.
Da kane ka jingjop, ka South West Khasi Hills kala rung pat sha kawei ka kylla jong ka jingiakhun.
