Shillong Kyllalyngkot 11: Ka Screening na ka bynta ka kynhun ki nongialehkai ha ka U-18 Girls kala iaid shakhmat hynne ka sngi ha GBHSS Artificial Football Ground, Chandmari, Tura.
Ki don 10 tylli ki kynhun kiban iashimbynta ha ka U-18 Girls Football kiba kynthup iaka West Garo Hills, South West Garo Hills, East Garo Hills, South West Khasi Hills, East Jantia Hills, West Jantia Hills, Eastern West Khasi Hills, Ri Bhoi, West Khasi Hills bad East Khasi Hills bad tang ka South Garo Hills district kam shym la don ia ka kynhun ki kynthei ban ialehkai.
Katei ka screening ia ki nongialehkai ka long ban pynthikna la ki nongialehkai na kylleng ki district kila pyndep ia ki kyndon kiba la buh da ka Meghalaya Football Association, ban iashimbynta ha ka 5th Meghalaya Games 2024 kaban sdang ha ka sngi Thohdieng.
Ki katto katne ki kyndon ia ki nongialehkai kynthei ne shynrang kiba iashimbynta kidei ban kha hashwa lane hadien ka 31 tarik u Kyllalyngkot 2006 bad kidei ban ai ia ki kot ki sla ban pynshiisha iaka sngi kha ka jongki da kaba ai ia ka Aadhar card ne ban wanrah iaka Birth Certificate ban ioh pynthikna.
