Ioh ka UDP-11 seat, VPP-4 seat, PDF-2, HSPDP-2
Shillong, Lber 02 : Ka National People’s Party (NPP) ba ialam da u Conrad K Sangma kum u National President, kala ioh khur ia ka jingjop haduh 26 tylli ki seat naka 59 tylli ha kane ka elekshon MLA-2023 ba iathep vote myn ha ka 27 tarik Rymphang.
Ka AITC kaba la iaid kylleng ki jaka lyngba ka kynhun IPAC da ki bun bun bnai ban pynkhreh ia ka elekshon bad ruh da ka jingpynbang ia ki kular kum ka WE Card bad MYE Card, kala ioh jingjop tang 5 seat.
Kine ki kyrtong ka AITC ba jop ki dei u Bah Charles Pyngrope President ka Meghalaya Pradesh Trinamool Congress na Nongthymmai, ka Miani D Shira na Ampati u Rupa M Marak na Dadenggre, bad u Dr Mizanur Rahman na Rajabala.
U Dr Mukul Sangma Nongialam ka AITC ula shu jop da ka said na Songsak constituency bad tam tang 489 vote ia u kyrtong ka NPP u Nihim D Shira. Une u Nongialam ka AITC ula shah pynrem ha Tikrikilla ha u MLA barim bad kyrtong ka NPP u Jimmy D Sangma.
Ka BJP kaba la ther bha ha Ri-lum Garo, kaba la pyni ruh ia ka jingshimkhia jongki Nongialam na Delhi naduh u Myntri Rangbah Duh ka Ri Narendra Modi, u Myntri kam pohiing Amit Shah bad u President JP Nadda, ka khlem lah thaw pyrthei satia bad kala ioh ban khur hi tang artylli ki seat kiba dei na Nongbah Shillong.
Kine ki dei tang ka Pynthorumkhrah bad ka South Shillong Constituency. Ki Nongialam ka BJP Bah A.L.Hek bad Bah Sanbor Shullai kila jop na kine ki constituency ban pynneh ia ka jinglong MLA.
Ka Congress party ruh kala ioh khur tang shi seat ha Ri-Lum Garo kaba long san ngut baroh lang kynthup ia 4 ngut na Ri-lum Khasi bad Jaintia.
U President ka Meghalaya Pradesh Congress Committee bad MP ka Shillong sha Lok Sabha ma Vincent H pala, ula shah pynliem ha ka kyrtong ka NPP kong Santa Mary Shylla na Sutnga Saipung Constituency.
Ka Party kaba wan ba-ar ha ka jingjop bun ki MLA ka dei ka United Democratic Party (UDP) kaba la jop 11 seat. Kiwei pat ki seng riewlum ki dei ka VPP-4, PDF-2, HSPDP-2.
U Myntri Rangbah ka Jylla uba la jop ialade na South Tura Constituency, ula wan phai mynta sha Shillong ban iakynduh ia ki Nongialam jong kiwei pat ki seng sain pyrthei ha kaban iapynbeit ia ki kam ki jam ba iadei bad ka jingthaw ia ka sorkar thymmai ha Jylla.
Kat kum ka khubor ba dang shu ioh, la pyntip b aka Rajabala ruh ka dang hap ianiew thymmai biang namar ka jingjop ba thmit palat jong u kyrtong ka AITC u Dr Mizanur Rahman kaba long tang 22 vote pyrshah ia u kyrtong ka NPP u Md Abdus Saleh.
Meghalaya Elekshon Results-2023
Constituency ba jop ka NPP
1. Mahendraganj – Sanjay A. Sangma
2. Dalu – Brening A Sangma
3. Rongara – Siju – Rakkam Sangma
4. Chokpot – Sengchim N. Sangma
5. Kharkutta – Rupert Momin
6. Resubelpara – Timothy D. Shira
7. Mendipathar – Marthon J Sangma
8. Bajengdoba – Pongseng Marak
9. East Shillong – Amapeen Lyngdoh
10. Rangsakona – Subir Marak
11. Pynursla – Prestone Tynsong
12. Salmanpara – Ian Botham K. Sangma
13. Raliang – Coming One Ymbon
14. Jowai – Wailadmiki Shylla
15. Nartiang – Sniawbhalang Dhar
16. Tikrikilla – Jimmy D Sangma
17. Rongjeng – Jim M Sangma
18. North Tura – Thomas A Sangma
19. Umroi – Damanbait Lamare
20. Phulbari – Abu Taher Mondal
21. Sutnga Saipung – Santa Mary Shylla
22. Jirang – Sosthenes Sohtun
23. Raksamgre – Limison D. Sangma
24. South Tura – Conrad K. Sangma
25. Williamnagar – Marcuise N Marak
26. Selsella – Arbinstone B Marak
Constituency ba jop ka UDP
1. Shella – Balajied Kupar Synrem
2. Mawsynram – Ollan Singh Suin
3. Mairang – Metbah Lyngdoh
4. West Shillong – Paul Lyngdoh
5. Mowkaiaw – Nujorki Sungoh
6. Mawkyrwat – Renikton Lyngdoh Tongkhar
7. Mawphlang – Matthew Beyondstar Kurbah
8. Ranikor – Pius Marwein
9. Nongpoh – Mayralborn Syiem
10. Khliehriat – Kyrmen Shylla
11. Amlarem – Lahkmen Rymbui
Constituency ba jop ka Congress
1. Gambegre – Saleng A Sangma
2. Mawhati – Charles Marngar
3. Umsning – Dr. Celestine Lyngdoh
4. Nongstoin – Gabriel Wahlang
5. Mylliem – Ronnie V. Lyngdoh
Constitunecy ba jop ka AITC
1. Ampati – Miani D. Shira
2. Dadenggre – Rupa M. Marak
3. Nongthymmai – Charles Pyngrope
4. Rajabala – Dr. Mizanur Rahman Kazi
5. Songsak – Dr Mukul Sangma
Constituency ba jop ka PDF
1. Sohra – Gavin Miguel Mylliem
2. Mawkynrew – Banteidor Lyngdoh
Constituency ba jop ka VPP
1. Mawryngkneng – Heaving Stone Kharpran
2. North Shillong – Adelbert Nongrum
3. Mawlai – Brightstarwell Marbaniang
4. Nongkrem – Ardent Miller Basaiawmoit
Constituency ba jop ka BJP
1. South Shillong – Sanbor Shullai
2. Pynthorumkhrah – AL Hek
Constituency ba jop ka HSPDP
1. Mawthadraishan – Shakliar Warjri
2. Mawshynrut – Methodius Dkhar
Constituency ba jop ki kyrtong shimet
1. Rambrai Jyrngam – Remington Gabil Momin
2. Baghmara – Kartush R. Marak
