Shillong, K’lyngkot 16 : Ka Sorkar Jylla kala jer kyrteng ia ki laingut ki nongshongshnong ka Jylla ki ban ioh ia ka khusnam jong ka Meghalaya Day Award 2026.
Kine ki kynthup ia u Dr KS Nongkynrih, Fr Binoy Joseph bad u Bah Riyolang Dhar.
“U Dr KS Nongkynrih la mynjur ban iohpdiang ia ka U Tirot Sing Award na ka bynta ka Arts & Literature, u Fr Binoy ia ka Patogan N Sangma Award halor ki kam shakri imlang sahlang bad u Bah Riyolang Dhar ia ka Kiang Nangbah Award halor ki kam ialehkai” ong u Myntri Rangbah Conrad K Sangma haba pynbna hadien ba dep pyniaid ia ka jingialang jong ka Kynhun Myntri hynne ka sngi Thohdieng.
Kine ki laingut kin ioh ia ka jingithuh ia ki jingjop jong ki ha ka kam ba ki trei ha ka sngi rakhe ka Jylla ia ka Meghalaya Day.
U Myntri Rangbah ula pyntip ruh ba ka Kynhun Myntri kala dep mynjur ia ka jingkren ha ka sngi rakhe ia ka Republic Day, ka ban sa pule da u Lat ka Jylla ha Shillong bad ki Myntri Sorkar bad kiwei ki kynrem ki lyndan ha kylleng ki bynta ka Jylla.
