Shillong, Lber 02 : Ka National People’s Party (NPP) kala jam ban long ka single largest party bad ban bat biang ia ka bor ha Jylla da ka jingjop palat 20 seat tang hapoh ka por 1: 45 baje janmiet, watla ka jingianiew ka dang iaid shakhmat sa ha kiba bun ki constituency.
Kawei na ki jinglyngngoh ka long ba u Nongialam ka AITC Dr Mukul Sangma ula shah rem ha Tikrikilla bad mynta u ap sa ia ka jingniew ia ki vote jong ka Songsak kaba la jan poi artad sha kaba kut. Kat haduh ba thoh ia ka khubor, u Dr Mukul u dang lamkhmat da 10107 vote hadien ka kylla kaba 5 bad la bud ia u da u kyrtong ka NPP Nihim D Shira uba ioh 9750 vote, kaba duna tang 357 vote.
Ka jingjop ba kham khraw eh jong ka NPP ka dei ka Mahendraganj ha kaba u Sanjay A Sangma jong ka NPP ula pynliem ia u MLA bad kurim u Dr Mukul ka Dikanchi D Shira jong ka AITC.
Kumjuh ruh u MLA ka AITC na Umroi Bah George B Lyngdoh, ula shah pynliem ha u kyrtong ka NPP Bah Damanbait Lamare. Kane ka long ruh ia u MLA ka AITC na Rangsakona Zenith Sangma uba dei u para u Dr Mukul, uba la liem ha u kyrtong ka NPP u Subir Marak.
U Dr Mukul ula liem ha Tikrikilla da 5310 vote ha u kyrtong ka NPP u Jimmy D Sangma uba la ioh haduh 13150 vote.
Kumjuh ruh u Brening A Sangma jong ka NPP ula jop na Dalu, Timothy D. Shira jong ka NPP na Resubelpara seat, Amapeen Lyngdoh na East Shillong seat, Prestone Tynsong naPynursla, Coming One Ymbon na Raliang, Wailadmiki Shylla na Jowai.
Ki constituency bala jop da ka NPP
1. South Tura – Conrad K Sangma
2. Mahendraganj – Sanjay A. Sangma
3. Dalu – Brening A Sangma
4. Rongara – Siju – Rakkam Sangma
5. Chokpot – Sengchim N. Sangma
6. Kharkutta – Rupert Momin
7. Resubelpara – Timothy D. Shira
8. Mendipathar – Marthon J Sangma
9. Bajengdoba – Pongseng Marak
10. East Shillong – Amapeen Lyngdoh
11. Rangsakona – Subir Marak
12. Pynursla – Prestone Tynsong
13. Salmanpara – Ian Botham K. Sangma
14. Raliang – Coming One Ymbon
15. Jowai – Wailadmiki Shylla
16. Nartiang – Sniawbhalang Dhar
17. Tikrikilla – Jimmy D Sangma
18. Amlarem – Stephen Mukhim
19. Rongjeng – Jim M Sangma
20. North Tura – Thomas A Sangma
21. Umroi – Damanbait Lamare
Ki constituency ba jop ka AITC
1. Ampati – Miani D. Shira
2. Dadenggre – Rupa M. Marak
Constituency ba jop ka UDP
1. Shella – Balajied Kupar Synrem
2. Mawsynram – Ollan Singh Suin
3. Mairang – Metbah Lyngdoh
4. West Shillong – Paul Lyngdoh
Constituency ba jop ka PDF
1. Sohra – Gavin Miguel Mylliem
2. Mawkynrew – Banteidor Lyngdoh
Constituency ba jop ka VPP
1. Mawryngkneng – Heaving Stone Kharpran
2. North Shillong – Adelbert Nongrum
3. Mawlai – Bridestarwell Marbaniang
Constituency ba jop ka BJP
1. South Shillong – Sanbor Shullai
2. Pynthorumkhrah – AL Hek
