Shillong, Jymmang 05 : Ki samla pule Kynthei kila pass bha ban ia ki shynrang ha ka eksam Higher Secondary School Leaving Certificate (HSSLC)-Arts jong ka Meghalaya Board of School Education (MBoSE) kaba la pynbna ia ka result ha ka sngi Nyngkong.
Ki samla kiba pass ha kane ka eksam ka MBoSE kila kot ia ka 82.05 % baroh lang.
Haduh 22,835 ngut ki samla kila iakhun ia kane ka eksam ha kaba 18,736 ngut kila pass. Ki samla kynthei kila leh bha ban ia ki shynrang kynthup naduh kiba iakhun Regular bad Non-Regular.
Na kiba iakhun Regular, kiba pass baroh ki kot haduh 87.34%. Na ki 19,804 ngut ki samla kiba iakhun ha kane ka kyrdan, haduh 17,297 ngut kila pass. Ki samla kynthei kila pass bha bad kot 89.37% (10,775 na ka 12,056) haba ianujor bad ki samla shynrang kaba long 84.17% (6,522 na ka 7748).
Hynrei, la sakhi ia ka jinghiar na kiba ialeh ia ka Non-Regular, ha kaba na ka 3031 ngut kiba iakhun tang 1439 ngut kila pass, kaba lam sha ka jingduna bha ka percentage ba kot 47.47%. Kumjuh ruh, ki samla pule kynthei kila pass bha ban ia ki shynrang kaba kot 54.50% (1004 na ka 1842) katba tang 36.58% (435 na ka 1189) ki shynrang kila pass ia kane ka eksam.
Ki samla kiba pass hapoh ka Improvement category ki long 796 ngut katba 267 ngut kila pass lyngba ka Compartment exam.
-Arts jong ka Meghalaya Board of School Education (MBoSE) kaba la pynbna ia ka result ha ka sngi Nyngkong.){kind=link}