Imphal, Jylliew 25: Ka National Investigation Agency (NIA) ka la shimti ia ka jingtohkit halor ka jingshah pyniap jong ki lai ngut ki nongialam Balang ha Kangpokpi District jong ka jylla Manipur ha u bnai ba la dep.
Kitei ki lai ngut kiba la shah pyniap ki dei ki dkhot jong ka Thadou Baptist Association (TBA), ha ka 13 tarik Jymmang, ha kaba ki suba lehnoh, ki la ther kuki ia ki ar tylli ki kali kaba ki shong. Saw ngut kiwei pat ki la mynsaw ha katei ka jingshah thombor.
Ki pulit ka Manipur ki la register case ha ka sngi ba jia katei ka jingjia.Hadien kata ka NIA ka la register biang ia katei ka case hadien ka jingbthah na ka tnad Union Home Ministry bad ka la sdang ia ka jingtohkit jong ka.
Kat kum ka First Information Report (FIR) jong ka NIA, ki runar kiba kieng atiar, ki la siat ia kitei ki kali ha Zero Point, hapdeng ki thain Kotzim bad Kotlern, katba kitei kiba shong ha katei ka kali, ki dang wanphai sha Kangpokpi, na Churachandpur, hadien ba ki la leit sha ka jingiaseng.
Ka jingiakynad bad ka jingia umsnam hapdeng ki ar jaitbynriew ha ka jylla Manipur ka la shim ïa ka jingim jong ym duna ïa ka 260 ngut bad ka la pynkylla khlem iing ïa ki hajar ngut ki briew, kaba la pynlong ïa kane ka por kum kawei na ki por ba slem tam jong ka jingkulmar ha ka histori ba dang shen jong ka jylla.
 ka la shimti ia ka jingtohkit halor ka jingshah pyniap jong ki lai ngut ki nongialam Balang ha Kangpokpi District jong ka jylla Manipur ha u bnai ba la dep.){kind=link}