Imphal, Naitung 30 : Ka Sorkar Manipur kala sdang ia ka jingpynrung kyrteng ia ki nongwei ba jan na shiliang par (khappud) kiba dang shah bat mynta ha Manipur.
Kane ka sienjam kala wan jia haba buh hakhmat ia ka jingishyrkhei ka jingrung kyrthep ki mynder sha India bad kaba long ruh hapoh ka jingbthah jong ka Sorkar Pdeng.
Ia kane ka kam la leh ha kaban pynthikna ba ki nongwei kin ym ioh long satia ki Nongshongshnong ka pura ka Ri India da kano kano ka lynti ka bym dei.
Ka jingrung kyrthep ki Nongwei nabar Ri kala buh ha ka jingma iaka jinglong shngain ka Ri bad ka dei ia kaban hap leh eiei da ka lynti kaba biang eh.
Ha ka kyrwoh bala pynmih da ka Tnad kam pohiing ka Manipur, la ong ba ka campaign ban sdang pynrung kyrteng ia baroh ki nongwei ba don ha Manipur kan sa dep noh hapoh ka taiew ba khatduh jong u bnai Nailur.
Kala ong ruh ba kane ka jingpynrung kyrteng kan long ha baroh ki District ka Jylla tad haduh ba baroh ki nongwei Myanmar kiba don ha Jylla kila don kyrteng lut. Ia kane ruh yn sa pyndep hapoh u Nailur 2023.
Ia ka video jong kane ka jingpynrung kyrteng la pathai paidbah ruh da u Myntri Rangbah ka Jylla N Biren Singh ha ka rynsan social media jong u.
Considering the seriousness of the issue of ‘illegal immigration’ into India & under the advice of the Central Government, the Manipur Govt. has initiated the drive to capture biometric data of the illegal migrants who are currently being detained in Manipur.
This exercise is… pic.twitter.com/sA0PlaL4P2
— N.Biren Singh (@NBirenSingh) July 29, 2023
Kane kala wan jia ruh ha ka por ba ka Manipur ka dang don hapdeng ka thma iapher jaidbynriew kaba la sdang naduh ka 3 tarik Jymmang, hapdeng ki jaidbynrew riewlum Kuki bad ki Meitei.
Shuwa kane, ka Sorkar Pdeng kala bthah ia ka Manipur bad ka Sorkar Mizoram ba kin pynlong ia ka jingpynrung kyrteng ia ki nongwei bad ban pyndep noh ia ka hapoh u bnai Nailur 2023.
