spot_img

Manipur | Sdang ki bor pahara ia ka jingkhynra ban pynduhjait ia ki kaikhlaw ha Jylla

Date:

Share post:

Imphal, Naitung 1: Ki bor pahara hapoh ka jylla Manipur kila pynlong ka jingkhynra kaba heh bha hadien ba lap ba saw ngut ki briew ki la shah pyniap hajan ka shnong K. Mongjang, kaba hap hapoh Churachandpur district, ha ka sngi u Blei.

Katkum ki khubor, kane ka jingjia kala jia ha ka por 1 baje mynstep ha kaba kawei ka kali Hyundai Creta kala wan mih kynsan ha ryngkat bad ka synreit kuli na ki ktang suloi, kaba la pynlong ia lai ngut ki briew ba don hapoh kali ba kin iap hashen.

Sa kawei ka lanot, ka dei ka kynthei ia kaba la lap ia ka met iap najan jong ka jaka ba ia siat.

Kine ki lanot la tip kyrteng kum u Phalgung (72) snem ka rta, uba dei na ka shnong Koite; Thenkhothang ba ju khot sin kum u Thahpi (48) snem, uba dei na Matejang, u Seikhogin (35) snem, uh ba shong ba sah ha ha Teiseng bad u Lengouhao (35) snem na ka shnong Chengkon.

Katkum ka jingtohkit la suba kane ka kali kala shah hiarthma ha ka kynhun ki kaikhlaw.
Halor kane ka jingjia, ia ka First Information Report (FIR) la dep ban register ha Churachandpur Police Station, bad mynta ka jingtohkit ba bniah kala iaid sha khmat.

U wei na ki heh pulit u la ong, “Ngi la pynlong ia ka joint operation ha ka thain Churachandpur. Na ka jingtohkit ba la sdang la paw shai ba kadei ka jingshah thombor kine ki briew dei ka jingthombor da ki kai khlaw. Ngi la dep pan jingiarap na baroh ki tnad syntiat ban pynduh jait ia ki kam pyntriem jong ki kai khlaw kiba donkti ha kan ka kam runar”.

Share post:

spot_img
spot_img

Popular

More like this
Related

Dep ithuh ka PTVC haduh 407 ngut ki nongshong dukan madan ha Khyndailad

Shillong, Naitung 01: Ki don palat 407 ngut na...

Dawa ka KSU ban pyntreikam noh ia ka ILP ha Jylla

Shillong, Naitung 01 : Ka Khasi Students’ Union (KSU)...

Assam | Sdang khynra ki Pulit ia ka jingdie doh masi beain ha kylleng ka Jylla

Guwahati, Naitung 01: Ki Pulit ka Assam ki la...