Imphal, Naitung 04 : Ka Indigenous Tribal Leaders’ Forum (ITLF) kala pynpaw ia ka jingpyrshah kaba jur halor ka rai ba dang shen jong ka Sorkar Manipur bad ka Unified Security Command, ban pynpra ia baroh ki ‘bunker’ bala ithuh kum kiba beian.
Kane ka Seng kala iasaid ba kine ki bunker ki dei kiba kongsan bha ha kaban iada ia ki shnong jong ki paid Kuki-Zo ba kin lait na ki jingshah hiar thma ha ki kynhun ki Meitei.
Ha ka jingialang jong ka Unified Security Command bala pyniaid da u Myntri Rangbah ka Jylla N Biren Singh hynnin ka sngi Nyngkong, la rai ba baroh ki bunker kiba la shna da ki kynhun kaikhlaw ba ki kynhun nongthaw jingkulmar ha baroh kawei ka Jylla ki dei ia kaban hap pynpra noh.
Hadien kane ka jingialang, u Myntri Rangbah ula ong ba ki shipai kin ialam ia ka jingkhynra ban pynpra ia kine ki bunker kiba beain da ka jingkyrshan jong kiwei pat ki shipai para military.
U Nongaiktien ka UTLF Ginza Vualzong ula pynpaw ia ka jingsngewkhia halor ka rai jong u Myntri Rangbah da kaba ong ba ka jingweng ia ki bunder kan buh ha ka jingma ia ki shnong jong ki paid riewlum Kuki-Zo na ka jingshah hiar thma ha ki kynhun kiengatiar ka jaidbynriew Meitei.
“Wat hapdeng ka jingdon bun ki bor pahara bad ki jaka pahara jong ki shipai, ki shnong jong ki paid riewlum ki dang shah hiar thma manla ka sngi, kaba lam sha ka jingiap bad jingshah pynpra ki iing ki sem bad ki nongkynti” ong u Vualzong.
Une u Nongialam ka ITLF ula ong ba ki jaka shong jong ki Meitei kim donkam satia ia ki bunker namar ki paid riewlum kim shym pynlong sohpdung satia ia ki. Hynrei ki bunker ki long kiba kongsan bha ia ki paid riewlum ba kin iada ialade n aka jingshah hiar thma ba khlem kut.
“Namar kata, ki paid riewlum kim lah ban shaniah ia u Myntri Rangbah ula niew iala ki jong ki nongshongshnong kum ki poiwir bad ai jingkyrshan pyllein pyllein ia kawei ka jaidbynriew watla u bat ia ka bor ba hakhlieh duh hapoh ka Jylla” ong u Vualzong.
Pule ruh: Sam kot M-Tab ka Ophis BDO sha ki samla pule klas XI ka Mairang
 kala pynpaw ia ka jingpyrshah kaba jur halor ka rai ba dang shen jong ka Sorkar Manipur bad ka Unified Security Command, ban pynpra ia baroh ki ‘bunker’ bala ithuh kum kiba beian.){kind=link}