Imphal, K’Lyngkot 23: U Lat ka jylla Manipur u Ajay Kumar Bhalla ha ka sngi Palei u la ong ba ka jingshah pyniap jong u Mayanglambam Rishikanta Singh yn sa shimti ban tohkit da ka National Investigation Agency (NIA) khnang ba ka jingtohkit kan long kaba bniah bad kaba khlem shah liang.
Ka Joint Action Committee ba la ïalam da u Member of Parliament Dr Angomcha Bimol Akoijam ryngkat ki MLA u Thokchom Lokeshwar Singh bad u Kangujam Ranjit Singh ha ka sngi Palei ki la leit ban ïakynduh ïa u Lat ka Jylla Manipur u Ajay Kumar Bhalla bad ki la ai ruh ïa ka memorandum ha kaba iadei bad ka jingshah pyniap u Rishikanta Sing.
Ka kynhun ryngkat bad ki ba haïing hasem jong utei u lanot,ki la pynpaw ïa ka jingsngewkhia kaba khraw halor katei ka jingjia bad ki la kyntu ïa ki bor ba dei peit ban pynthikna ïa ka jingtohkit kaba hok bad kaba bniah.
Haba kynthoh, u Lat u la pynpaw ka jingsngewsih halor ka jingkhlad noh jong u Mayanglambam Rishikanta Singh bad u la pynpaw ruh ïa ka jingsngewlem kaba khraw sha ka longïing kaba la duh noh.
Katei ka memorandum, ka la pynpaw ïa ki jingsngewkhia bad pan ruh ïa ki sienjam kiba biang, ha kaba ïadei bad ka jingïap ba sngewsih jong u Mayanglambam Rishikanta Singh, uba la shah rahbor bad shah siat ïap ha ki suba lehnoh Kuki ha Churachandpur district ha ka miet sngi Balang.
U la pyntip sha ka kynhun ba ïa kane ka kam la aiti sha ka National Investigation Agency (NIA) na ka bynta ban pynlong ïa ka jingtohkit kaba bniah bad kaba khlem liang.
Shuh shuh u Lat u la pynpaw ba la sdang ïa ki jingkhynra ba jur bha naduh ka miet jong ka sngi Balang ban kem ïa kito kiba donkti, da ka jingpyrshang ba ïatreilang ki bor pulit ka jylla bad ki lad pahara jong ka sorkar pdeng.Ia kine ki jingkhynra la pynlong ha ka rukom jong ka thma.
 khnang ba ka jingtohkit kan long kaba bniah bad kaba khlem shah liang.){kind=link}