-->

Manipur: Pyntip ba Myntri Kuki ban pep wan Iingdorbar namar ka jingbym sngew shngain

Date:

Share post:

Imphal, Nailar 26: Ka Myntri Sorkar ka Manipur Nemcha Kipgen kaba dei na ka jaidbynriew Kuki, kala pyntip ba kan nym leit iashimbynta ha ka Dorbar jong ka Iingdorbar Thaw Ain ka Jylla la 29 tarik Nailar namar ka jingbym sngew shngain.

Ha ka shithi bala phah sha u Lamphang, kala ong “Nga kwah ban pynpaw ba naduh ba khie ka thma iapher jaidbynriew ha Manipur naduh ka 3 tarik Jymmang, 2023, nga bad ka Iing ka sem ngim sngew long ban sah ha Imphal halor ka nongrim ka jingbym long shngain”.

“Namar kane ka kam iaumsnam kaba dang iaid haduh mynta, nga pyntip ba ngan nym lah iashimbynta ha ka Dorbar ba shisngi jong ka Iingdorbar Thaw Ain ka ban long la 29 tarik Nailar ha ka por 11 baje mynstep. Nga la iakren bad ki bor pahara kiba la ai jingmut ia nga ba ngan long phikir bad kiar na ka jingleit sha ka Dorbar ha Imphal” kala ong.

Kane ka MLA ka BJP ka dei kawei na ki 10 ngut ki MLA ka Jaidbynriew Kuki kaba la dawa ban phiah noh la ka jong ia ka bor synshar khadar na ka bynta ki paid riewlum. Kine ki MLA ka Kuki-Zo ki nym leit iashimbynta satia ha kane ka Dorbar.

Kine ki 10 ngut ki MLA kila aiti ruh ia ka dorkhas sha u Myntri Rangbah Duh ka Ri Narendra Modi ha ka 16 tarik Nailar, ba dawa ban ain oh la u jong u Chief Secretary bad DGP ia ki Hill District ka Manipur.

Pule ruh: Ther u slap ha Sikkim bad Darjeeling, twa ki lum, iap 2 ngut ki briew

PEIT:

Ka rynsan khubor digital ba pura ka Meghalaya da ka ktien Khasi.

Balei ban ap ia ka lashai, haba ki khubor ki mih mar syn jia!

Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!

Share post:

-->
spot_img

Popular

More like this
Related

CM Sarma: Singapore-based Assamese individuals to join probe into Zubeen Garg’s death

Guwahati, Oct 6: Assam Chief Minister Himanta Biswa Sarma...

Tynrah ka trok ia ka kali Sorkar | Iap 2 ngut mynsaw jur 3ngut

Nongpoh, Risaw 05 : Arngut ki briew kila iap...

Iashimbynta u CM ha ka silver jubilee ka ICYM ha Kerela

Shillong Risaw 05: U Myntri Rangbah ka jylla Conrad...

Ngat ki nongniah kali ba dih kyiad | T.3 lakh duna daiñ kuna ki pulit Ri-Bhoi

Nongpoh, Risaw 05: Ki pulit ka Nongpoh Traffic Police...