Imphal, Nailur 1: Ka Zomi Council Steering Committee (ZCSC) ka pynrem jur ia ka jingthombor ba khlem sangeh ia ki jaidbynirew Zo (Kuki-Zomi) ka Lamka District kiba sah ha khappud ka Bishnapur District ha kine ki laisngi bla leit noh da ki kaikhlaw Meitei ba kynnoh kyrshan ka Sorkar Jylla.
“Kine ki jinghiar thma ia ki paid Zo ka dang iai bteng khlem sangeh wat hapdeng ka jingkyntu u Myntri kam Pohiing Amit Shah ban pynneh ia ka jingshongsuk shongsain hapoh ka Thain” ong ka ZCSC ha ka kyrwoh.
Ka kyrwoh ka ong “Ka jinghiar thma kala sdang naduh dang shen bad kala iaid khlem sangeh ha ki shnong ka Chingphe, Lonphai, Langchingmanhi Khouabung, Khoirengtak bad Kangathe, kaba lam sha ka jingiap ki briew. Ki kynhun kaikhlaw Meitei kila bteng ban ther da ki mortar sha ki shnong ki jaidbynriew Zo, kiba la tuh na ki Police Station bad ki jaka buh tiar siat na kylleng ki jaka ka Jylla”.
Ka jingbun ki tiar ba tuh ha ka kti ki kaikhlaw Meitei kala buh hapdeng ka jingsyier ia ka jingshngain ka Ri bad khamtam eh ia ki jaidbynriew Zo bad la donkam ban shimkhia ha ka ban ioh kurup noh ia kine ki tiar.
“Kala nang paw ba ka lynti hi ban tehlakam ia ki kaikhlaw Meitei ka long satang ka jingpyntreikam ia ka Armed Forces Special Powers Act (AFSPA) ha baroh ki Valley District ka Manipur” kala pynpaw.
Pule ruh: Iap 8 ngut ki briew na ka jingpang khieshohrih ha South Garo Hills
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ka pynrem jur ia ka jingthombor ba khlem sangeh ia ki jaidbynirew Zo (Kuki-Zomi) ka Lamka District kiba sah ha khappud ka Bishnapur District ha kine ki laisngi bla leit noh da ki kaikhlaw Meitei ba kynnoh kyrshan ka Sorkar Jylla.){kind=link}