Imphal, Rymphang 28: Ka kynhun ki Pulit Commando ka Manipur kila pynlong ia ka jingiakhih da kaba pyndem noh iala ki suloi ha ka sngi Balang ha Imphal, Manipur.
Kat kum ka khubor, kine ki Commando kila shim ia kane ka sienjam namar ka jingbitar ia ki Heh Pulit kiba bthah iaki ban nym leh eiei hadien ka jingiather kuli hapoh ka Iingsah u Additional Superintendent of Police, kaba lam sha ka jingshah rahbor une u heh pulit lem bad ki nongpahara jong u.
Ka kynhun kiengatiar ba 200 ngut eiei kila thiar thma ia ka Iingsah une u Addl SP Moirangthem Amit Singh ha ka miet sngi Ba-ar. Kila rahbor ia une u heh pulit lem bad ki nongpahara jong u.
Kane ka jingrahbor kala jia ha ka jaka bala tip kum ka Wangkhei Tokpam Leikai, kaba hap hapoh ka Porompat Police Station, Imphal East District.
