Imphal, Nailar 04 : Ki paid Kuki-Zo na kylleng ka Kangpoki District kiba don hapoh ka lama jong ka Kangpoki District Tribal Churches Leaders Fellowship, kila pyndem lang ha ki jingduwai ban ioh noh kham kloi ia ka jingdawa la ka jong ka synshar khadar jongki paid riewlum ka Jylla.
Ia kane ka jingialang duwai la pynlong ha madan Brig M Thomas, Kangpokpi bad la wan ban iasoh da ki Nongialam niam ba pawkhmat ki Kuki-Zo, ki Nongialam, Balang, ki Riew shemphang, ki Nongialam Sengbhalang, ki Nongtrei monsngewbha bad kiwei kiwei.
U President ka Kuki Impi Ch Ajang Khongsai, CoTU’s Vice Chairman, Lunthang Haokip, Nongtrei Human Rights Dr. S. Chongloi, President ka Kuki Women Organization for Human Rights Hahat Touthang, bad kiwei kiwei ki Nongialam kila ai jingkren ha kane ka sngi nalor ki Nongialam Niam.
Nalor kiwei kiwei, ka mat ba hakhmat eh jong kane ka jingialang duwai kat kum ka jingong ka Kangpokpi District Tribal Churches Leaders Fellowship ka long ban ioh ia ka jingjop halor ka jingdawa ki paid Kuki-Zo kata ban ioh noh kham kloi ia la ka jong ka Synshar Khadar.
Pule ruh: Assam : Iap arngut na ka jingpang Japanese Encephalitis
