Imphal, Naitung 22: Sawphew hynriew ngut ki dkhot jong ka Kangleipak Communist Party (People’s War Group) [KCP-PWG], ki la pyndem wait hakhmat u Myntri Rangbah ka Jylla Manipur Yumnam Khemchand Singh, ha ka “home coming ceremony” kaba la pynlong ha Mantripukhri Garrison jong ka HQ Assam Rifles (South) ha Imphal East district ha ka sngi Ba-ar.
Ia kane ka jingpyndem la leh da ki shipai Assam Rifles, ki Pulit ka Manipur bad kiwei kiwei ki tnad pahara hadien ba la bun taiew ka jingiatreilang kaba la kyrshan da ka Sorkar Jylla.
Ha kane ka sngi la don lang ki heh ophisar bad ki heh ka tnad pahara, kiba kynthup ia ki myntri sorkar, ki MLA, u Chief Secretary ka jylla, u Security Advisor jong ka sorkar Manipur, u General Officer Commanding Spear Corps, u Director General of Police, u Inspector General jong ka Assam Rifles (South), u Home Commissioner, u DIG CRPF nalor kiwei pat.
“Ki dkhot kiba la wan pyndem wait ki la buh 28 tylli ki tiar iakhun, kynthup ia ki AK rifles, .303 rifles, pistols, double-barrel bad ki single-barrel rifles, INSAS rifles, self-loading rifles, carbine machine guns bad u rocket-propelled grenade launcher, ha ryngkat bad ki magazines, ki kuli bad ki tiar pynbthei,” la ong ki heh ophisar.
Ka Defence Ministry ka la batai ïa ka jingwan pyndem wait kum ka jingjia kaba phylla, da kaba kdew ba bun na ki dkhot ki la long mynshuwa shi bynta jong ki jingïateh kular jingsuk.
“Ka jingwan ban pyndem noh jong ki 46 ngut ki dkhot kiba treikam ka long kaba ym pat ju jia mynno mynno ruh na ka bynta ka kynhun KCP-PWG bad ka pyni ïa ka jingshah ktah kaba khraw ha ka jingtreikam jong ka kynhun, kaba pyntlot ïa ki jingïadei pyrshah imlang sahlang bad ka jingsynshar ha ka jaka jong ka,” ong uwei u heh ophisar.
 [KCP-PWG], ki la pyndem wait hakhmat u Myntri Rangbah ka Jylla Manipur Yumnam Khemchand Singh, ha ka “home coming ceremony” kaba la pynlong ha Mantripukhri Garrison jong ka HQ Assam Rifles (South) ha Imphal East district ha ka sngi Ba-ar.){kind=link}