Imphal, Lber 20 : Ha ka jingjia ba sngewsih, saw ngut ki khynnah ba kylla phetwir,kiba sah ha ECA Canan Relief Camp, kila iap na ka jingngam jyllop hapoh ka wah Tuitha kaba don ha Tuibong, Churachandpur ha ka sngi Ba-ar.
Kine ki saw ngut ki khynnah ki dei kiba la ithuh da u – Lenchonghoi(9), Lallenchung Lupho(6), Thanggouhou(4) bad Thongkhohou(6).
Ka khubor ka iathuh ba kine ki khynnah kila leit sum ha kane ka wah khlem ka jingdon lang ki kmie kpa.
“Dei haba kim wan phai shuh sha iing, ki Kmie Kpa kila khuslai bad sdang ban iawad ia ki ryngkat ka jingiarap ki trai shnong. Hadien ka jingwad baroh shimiet, hynneka step por 6 baje, la lap shuwa ia ar tylli ki met kiba la per ha ka wah bad hadien 30 minit la lap pat sa ia artylli ki met” ong ki Pulit.
Ia ka met jong kine ki khynnah la kit noh sha hospital ban pyndep ia ka post mortem bad hadien la aiti noh sha ki kmie ki kpa ba kin leh ia kaba donkam.
