Manipur: Kyntu ka RSS ban wanrah noh ia ka jingsuk, pynkut noh ia ka thma iapher Jaidbynriew

Date:

Share post:

Imphal, Jylliew 19: Ka Rashtreeya Swayamsevak Sangh (RSS) kala kyntu ia ki Nongshongshnong ka Jylla Manipur ba kin sangeh noh ia ka jingiakynad bad ka thma iapher jaidbynriew bad ban ieng ha kaban wanrah noh ia ka jingsuk ha kane ka Jylla kaba la sakhi ia ki jingjia ba shyrkhei naduh ka 3 tarik u Jymmang.

Ka RSS ka pynpaw ba ka ieng ha syndah ki briew kiba phetwir bad kiwei ki lanot jong kane ka jingjia iaumsnam kiba don ia palat 50,000 ngut.

Ka RSS kala pynrem ruh ia ki jingjia iaumsnam ha Manipur kaba la sdang hadien ka rally bala pynlong ha Churachandpur ha ka 3 tarik Jymmang, kaba iatakhuh ruh bad ka sngi pynlong ia ka tamasa Lai Haraoba.

Ka long kaba sngewsih ba ka jingbym shongsuk bad kam iaumsnam kaba mih hapdeng ki para nongshongshnong kiba im lang hapdeng ka jingsuk, jingiasuk iasain bad iatreilang da ki spah snem, kam pat kut satia haduh mynta.

Ka RSS ka ong ba ka don jingsngew ba kam dei ban don jaka ka kam iaumsnam bad jingishut ha kane ka riti synshar paidbah bad ka ngeit ruh ba ka lynti ban pynbeit ia kino kino ki jingeh ka dei tang lyngba ka jingiakren sngewthuh bad ka jingpynpaw ia ka jingialong shipara ha ka lynti kaba suk ba sain.

Ka RSS kala kyntu ia baroh ba kin pynkut noh ia ka jingsngew bym shaniah hapdeng jong ki, kaba dei ka daw bah jong kane ka jingjia baroh kaba jia ha Manipur.

Ka RSS kala kyntu ruh ia ka Sorkar, ki Bor District, ki Pulit,ki shipai bad ki Agency ka Sorksr Pdeng ba kin shim ia baroh ki snejam ha kaban pynkut noh ia kane ka thma iapher jaidbynriew nalor ban pynthikna ia ka jingpynpoi ia ki marbam bad ki dawai dashin sha ki phetwir ryngkat ban shim ruh ia ka sienjam ha kaban wanrah pat ia ka jingshongsuk shongshngain.

Share post:

spot_img

Popular

More like this
Related

Kynjah jar ki Iew ha Shillong ba khang lut ki dukan ban sngewlem ia ki lanot Pahalgam

Shillong, Iaiong 28 : Ka Iew ka hat ha...

Pyrshah ki longkmie Congress ba pynbna khang dukan ka BMT ha Iewduh

Shillong, Iaiong 28: Ka Meghalaya Pradesh Mahila Congress ka...

Manipur | Kem ki shipai ia 16 ngut ki ehrang kaikhlaw | Kurup bun ki tiar siat bad ki bomb

Imphal, Iaiong 28: Ha ka jingialeh ban pynduh jait...

Pynslem ka iakajia jaka ban seng ia ka Captain Williamson Sangma State University ha Shillong

Shillong, Iaiong 28 : Ka Captain Williamson Sangma State...