Imphal, Nailar 06 : Hynriew ngut ki briew kila iap bad 16 ngut kila mynsaw ha ka jingiather mortal bad kuli ha ka sngi Saitjain, ha kawei na ka jingialeh markylliang hapdeng ki arkynhun kiengatiar ha Jylla Manipur.
Kum kawei na ki jinghiar thma ba shyrkhei eh bad kaba la neh jan baroh shisngi ka jingiather mortal bad kuli, kane ka jingjia kala jia hadien balai ngut ki briew ba kynthup ia shikpa shikhun kila shah pyniap hala ka jong ka Iingsah ha ka thain Kwakta kaba don ha Bishnapur District.
Ki bor pahara ki suba ba kane ka jingiahiar thma ka dei kaba la pyndonkam da ki tiar siat bad ki mortar bala leit tuh na ki artylli ki jaka buh tiar jongka 2nd India Reserve Battalion Headquarter kiba don ha Naranseina, Bishnapur District, kaba la jia ha ka sngi Palei.
