Imphal, Nailur 16: Hadien ka jingioh ki Pulit ka Jylla Manipur daki suloi Medium Machine Guns (MMGs), ki kynhun ka jaidbynriew Kuki kila pynpaw ia ka jingsngewkhia daka ba kynnoh ba ki Pulit ki lah ban pyndonkam da kine ki suloi pyrshah ia ki.
Ha ka kyrwoh, u Kuki Inpi u la ong ba ki suloi MMG ki dei ka tiar suloi ba khlain bor kiba ju pyndonkam ha ka jing pynkhreh na ka bynta ki thma bad kiba la ju pyndonkam da ki shipai bad ka Assam Rifles ha ki kam pyrshah lehnoh.
Ka Kuki Inpi, ka kynhun ba ha khlieh duh jong ka jaitbynriew Kuki, ka tieng ba kane ka atiar ka lah ban shah pyndonkam pyrshah ia ki.
“Ka jingpyrshang ban pyndonkam ia kine ki tiar kiba khlain bha ka la wanrah ia ka jingkhuslai bad jingsngewkhia ia ki paidbah, ” la ong ka kyrwoh ba la pynmih da u Publicity Secretary jong ka Kuki Inpi u Janghaolun Haokip.
Ki pulit ka Manipur ki la thied katto katne tylli ki tiar siat 7.62mm MMG MK 2A1 na Ordnance Factory, Jabalpur bad dang shen ki la pan jingiarap na ki shipai ban pyntbit ia ki briew jong ki ban pyndonkam ia kine ki tiar.
Ka kynhun Kuki ka la kyntu ïa ka jingïarap jong ka Sorkar Pdeng ban weng ïa kane ka jingeh bad ban pyrkhat biang ïa ka rai ban pyndonkam ïa kine ki tiar.
Kane ka rai jong ka sorkar Manipur ban thied ïa ki MMG ka long hadien ka jingshah thombor dang shen ïa ki nongshong shnong da ki lehnoh da kaba pyndonkam da ki roket bad bom drone.
, ki kynhun ka jaidbynriew Kuki kila pynpaw ia ka jingsngewkhia daka ba kynnoh ba ki Pulit ki lah ban pyndonkam da kine ki suloi pyrshah ia ki.){kind=link}