Imphal, Jylliew 22 : U Myntri kam Pohiing ka Ri Amit Shah ula khot ia ka jingialang jong baroh ki seng sain pyrthei ha ka sngi saitjain ka 24 tarik Jylliew ha New Delhi, ban iakren halor ka jinglong jingman ha Manipur bad ban iasyllok ia ki lad ki lynti ban wanrah pat ia ka jingsuk ha kane ka Jylla ka thain Shatei Lam Mihngi.
Ia kane ka khubor la pynthikna hapoh ka Twitter jong ka Ministry of Home Affairs (MHA).
Ha kajuh ka por, u Myntri Rangbah ka Jylla Assam Himanta Biswa Sarma ula iakynduh ia u Amit Shah hynnin ka miet sngi Balang ha iingsah jong u. Kat kum ka khubor, u Himanta bad u Amit Shah kila iakren sani halor ka jingjia Manipur.
Union Home Minister Shri @AmitShah has convened an all party meeting on 24th June at 3 PM in New Delhi to discuss the situation in Manipur.@PIB_India @DDNewslive @airnewsalerts
— Spokesperson, Ministry of Home Affairs (@PIBHomeAffairs) June 21, 2023
Kumjuh ruh, ka President barim ka Congress Sonia Gandhi kala kyntu jur ia ki paid Manipur ba kin wanrah noh ia ka jingsuk, jingshongshngain bad ban iamap noh markylliang ia kiei kiei baroh.
Kane kala mih shisngi hadien b aka Congress kala dawa ia ka jingialang jong baroh ki seng sain pyrthei ban iakren halor ka jingjia Manipur da kaba ong ba ka Ri ka donkam ban ioh jubab na ka Sorkar halor ka jingiakynad ka bym lah satia ban tehlakam ha kane ka Jylla ka thain Shatei Lam Mihngi.
Ha ka sngi Balang, uwei u Khynnah phra snem bad arngut ki samla kila mynsaw jur na ka jingbthei bomb IED. Kane ka jingjia kala jia hajan kawei ka culvert ha Bishnapur District.
The Chairperson of the Congress Parliamentary Party Smt. Sonia Gandhi has made this heartfelt appeal for peace, harmony and reconciliation in Manipur.
— Jairam Ramesh (@Jairam_Ramesh) June 21, 2023
Nalor kane, la ioh khubor ba ki riewkiengatiar kila ther kuli ruh sha ki arngut ki nongshongshnong ka Kangpokpi District.
Haduh mynta, palat 100 ngut ki briew kila duh noh iala ka jingim ha ka thma iapher jaidbynriew kaba la sdang naduh ka 3 tarik Jymmang.
