Imphal, Nailur 19: Ki ar tylli ki seng samla pule ka Jylla Manipur, kata ka seng samla pule Kangleipak Wesean (KWSA) bad Zo Wesean Students’ Union (ZWSU), ki la khot bad iawer ia baroh ki jaidbynriew ka Jylla ban ia im lang bad iashong suk shongsain kum ki para nongshongshnong.
Ha ka shithi sha baroh ki nong shong shnong ka Jylla Manipur, kine ki seng ki la kyntu ia ka jingpyrshang lang ban weng ia ki jingiapher jingmut kiba la pynjynjar ia ka Jylla, da kaba pynksan ia ka jingiadei jong ka histori hapdeng ki Meiteis bad ki Kuki.
Ka shithi ka la pynpaw ia ka jingiadei kaba la slem bha hapdeng kine ki ar tylli ki jaitbynriew, da kaba pynkynmaw ia ki por jong ka jingkyrshan markylliang.
“Ki Meitei bad ki Kuki ki don bynta lang ha ka jingiadei ha ka Histori baroh kawei. Haba ki Burma ki wan ban hiar thma, ki Meitei ki la ai jaka rieh ia ki Kuki. Kum ka jingsiew kylliang, ki Kuki ki la shakri kum ki shipai ha ka Hima Kangleipak,” la ong ka shithi ki artylli ki seng da kaba kyntu ia ki briew ba kim dei ban klet ia ka Histori. Balei ba mynta, ha u snem 2024, ngi ailad ia ka jingshun bad jingiapher ban rung tynrai? Balei ngi phaidien noh na ka histori jong ka jingialong kawei?”
Ki seng samla pule ki la kynnoh ba ka jingïakynad kaba mynta kam dei ka jingïapher kaba tynrai hynrei la pynmih da ki bor nabar bad ki kynhun ba shadien, kiba ïoh jingmyntoi na ka jingkulmar.
“Mano ba ioh jingmyntoi haba ki hynmen Kuki bad Meitei ki ia pynmih snam iwei ia iwei pat? Ym ki briew jong ngi, hynrei kito kiba kwah ban iohi ia ngi ba ngi long kiba tlot bad kiba la phiah,” la buh jingkylli ka shithi da kaba khot ia ki briew ban pyrshah ia ka jingpynbor nabar.
Da kaba pynksan ia ka jingiasyriem ha ka kolshor hapdeng ki jaitbynriew Meitei bad Kuki, ka shithi ka la kdew ia ki ktien, ki riti dustur bad ki tamasa kiba iasam lang. “Ngim dei ki nongwei, ngi dei ki para marjan, ki paralok, bad kiba haïing hasem. Ka la dei ka por ban kynmaw ïa kane ka jingshisha.”
 bad Zo Wesean Students’ Union (ZWSU), ki la khot bad iawer ia baroh ki jaidbynriew ka Jylla ban ia im lang bad iashong suk shongsain kum ki para nongshongshnong.){kind=link}