Kangpokpi, Nailar 27: Kumba 4 ngut ki Naga ki la iap bad uwei pat la suba ba ula mynsaw jur ha ka jingshah thombor haka surok IT ha Kangpokpi district bad la kynnoh ba ia kane ka kam thombor la leh da ki riew kieng atiar kiba dei na ka jaidbynriew Kuki.
La iathuh ba uwei na kitei ki lanot u dei na Upper Thonglang, 2 ngut ki dei na Makui bad uwei pat u dei na Saramjao katba uwei pat u dang jah rngai hadien katei ka jingshah thombor.
Kane ka jingjia, kaba ym pat pynthikna da ki bor pulit, ka la pynpaw biang ia ka jingeh ha ka liang ka shong suk shong shngain ha shilynter ka surok IT.
Ka la jia shisngi hadien ba ka jingialang kaba heh kaba la long Senapati ban iakren ia ki lad ki lynti ban kyntiew ia ka shongsuk shongsain, ha Manipur.
U Symbud Myntri Rangbah ka Jylla Losii Dikho u la ïakynduh ïa ka kynhun jong ka United Naga Council kaba la ïalam da u president ju NG Lorho haka jingdonlang lang u MLA ka Thanga u Tongbram Robindro.
Ki jingiakren ki long halor ka jinglong jingman kaba mynta bad ka jingdonkam ban don ka jingiatreilang kaba khlain ban pynneh ia ka jingsuk ha ka thain.
Ha kane ka sngi la don lang ki heh Ophisar Sorkar, CRPF, Assam Rifles bad ki pulit Senapati.
Kane ka jingshah thombor ka la pynjur ia ka jingsngewkhia hapdeng ki jaitbynriew Naga halor ka jingshngain jong ki briew kiba iaid ha ka surok IT bad ka la pynpaw ia ka jingeh ha ka liang ka jingshngain kaba dang iai bteng ha katei ka thain.
