-->

Manipur | Kem ki bor pahara palat 350 ngut ki kaikhlaw naduh ba pynjari President Rule

Date:

Share post:

Imphal, Jymmang 19: Ha ka jingbteng ban pynduhjait iaki kam dawa pisa beain, ki bor pahara ka Jylla Manipur ki la kem ia palat 350 ngut ki kaikhlaw ha ka jingkhynra kaba la pynjur bha naduh ba pynjari ia ka President Rule.

Ki khubor ki pyni ba ki kynhun kaikhlaw khamtam kiba don ha Valley ki pynïar ïa ka jingdawa kynthup naki bor Sorkar, naka jingthep Tender bad naka jingiapynbeit ïa ki jingïakynad ha ka shongkha shongman.

“Ka jingtohkit pyrshah ïa kito kiba la shah kem ka pynpaw ba ki kynhun kaikhlaw, namar ka jingkhlain ki bor pahara kiba dang ïaid shakhmat, ki nang kham jynjar ban ïoh pisa bad ki nang kham shlur ha ki rukom treikam jong ki,” ong uwei u heh Sorkar.

Ki jingkem kiba la pynlong naduh u bnai Rymphang ki la kham bun ha Imphal East, bud sa ka Imphal West.

Ki bor Dorkar ki la bynrap ba ka bor synshar jong u Lat ka la bthah ïa ki paidbah ba kin pyntip mardor ïa kino kino ki jingshah dawa pisa lane kin mad ïa ki jingeh ha ka aiñ namar ba ki ïarap ïa kum kine ki kam.

Kawei na kiba kum kine ki jingshah kem, ka dei kaba iadei bad uwei u briew uba la tip kyrteng kum u Laishram Ramesh Singh, uba la khot sin kum u ‘Tiger’, uba na Imphal East. U la shah kem ha ki pulit jong ka Manipur katba u dang pyrshang ban pynïasuk ïa ka jingïakajia shongkha shongman bad hadien la pynthikna ba u dei u dkhot jong ka seng United National Liberation Front (UNLF) kaba la shah khien beain.

Share post:

-->
spot_img

Popular

More like this
Related

Assam | Pynrem u Gaurav Gagoi ia u CM ba pyndonkam bakla ia ka SIT | Dawa jingbishar hok ia u Zubeen Garg

Guwahati, Risaw 29: U President ka Assam Pradesh Congress...

Kynnoh ka KHNAM ia u EM ka KHADC ba ialam bakla ia ka Iingdorbar na ki khyrdop khajna

Shillong, Risaw 29: Ka Khun Hynniewtrep National Awakening Movement...

Kwah u Myntri ban wanrah ia ka Medical College ha Jowai | Kam dei kaba suk

Shillong, Risaw 29 : U Myntri ka Koit ka...

Tura Medical College to be government-run, PPP model dropped: Shylla

Shillong, Oct 29: Health Minister Wailadmiki Shylla on Tuesday...