Manipur | Kem ki bor pahara ia 4 ngut ki kaikhlaw kynthup u Nongialam ka CKMA

Imphal, Risaw 3: Ki bor pahara kila ioh ban kem ia saw ngut kaikhlaw kiba dei na ki kynhun bapher bapher ka jylla Manipur, ba kynthup lang ia u “Commander in Chief” ba shu kam jong ka Chin Kuki Mizo Army (CKMA).

Ia une u commander-in-chief la tip kyrteng kum u Paokholen Guite la ioh ban kem na S Munuam kaba hap hapoh Churachandpur district ha ka sngi Balang.

“Une u dei uba donkti ban khaii tuh ia ki tiar siat bad ruh ia u drug sha shilliang ka khappud India-Myanmar, nalor ka jingdonkti dawa pisa beain. Na u la ioh ban kurup ar tylli ki AK-47 rifles, 181tylli ki kuli bad ha ryngkat ka pisa, ₹1 lakh bad kawei ka kali la kurup na u,” ong u heh pulit.

Ha kane ka jingkhynra, ar ngut ki dkhot kiba dei na ka kynhun ba la shah khang ka People’s Liberation Army (PLA) la ioh ban kem na ki bynta bapher bapher jong ka Imphal West district ha ka sngi Palei. Ia ki la shah kynnoh ba ki dawa pisa beain ki trai nongkhaii mawit bad ruh na ki riew paidbah jong kane ka thain.

Ki bor pahara kila sdang ban pynjur ia ka jingkhynra pyrshah ia ki kai khlaw hapoh ka jylla Manipur.