spot_img

Manipur | Ioh kurup biang ki Pulit haduh 80% ki tiar siar ba shah tuh na Ukhrul

Date:

Share post:

Imphal, Risaw 06: U IGP ka tnat Pulit Manipur, u I.K Muivah u la ïathuh ba ki Pulit kila ïoh ban kurup biang haduh 80 percent na ki 20 tylli ki tiar siat ba khlain bor, kiba la shah lute ha ka 2 tarik Lber ha ki paidbhur na Ukhrul Police station.

U IGP u la ong ba ka jingthwet ka dang iai bteng ban ioh kurup ia aroh bki tiar ialeh bad ki kuli.

La iathuh ba ha ka 2 tarik Risaw, ki trai shnong jong ka shnong Hunphun bad Hungpung ha Ukhrul district, ki la shim iaka ain ha kti bad shim ia ka lynti jong ka jingiausnam halor ka jingiakajia pud, kaba la lam sha ka jingiap jong 4 ngut ki briew, kynthup u shipai jong ka Manipur Rifles bad pynmynsaw ia 29 ngut.

Ki nongshong shnong jong kitei ki ar tylli ki shnong ki la ïashim bynta ha ka ‘Swachhata Abhiyan’ ba la pynlong da ka Thawaijao Hungpung Young Students’ Organisation (THYSO), ha ka sngi rakhe Gandhi Jayanti hynrei kynsan kynsan ka la mih ki jingïakynad.

Ha kane ka jingïakynad, ki don ki samla kiba la sdang ban siat na ki suloi jong ki, ha kaba 2 ngut ki nongshong shnong bad uwei u shipai jong ka Manipur Rifles, ki la ïap ha katei ka jaka bad pynmynsaw sa 30 ngut kiwei pat. Uwei na kiba mynsaw u la khlad noh ha Jawaharlal Nehru Institute of Medical Sciences (JNIMS) ha Imphal ha 3 tarik Risaw.

Hadien katei ka jingiakynad, ki paidbah ki la hiar thma ia ka thanat Ukhrul bad ki la lute iaki tiar siat bad ki kuli.

Ki paidhur kila rah 20 tylli ki tiar siat ba kynthup ki suloi 9 mm, ki suloi INSAS, ki suloi AK-47, ki suloi 9 mm, ki suloi SLR bad ka suloi Sten Gun.

Share post:

spot_img
spot_img

Popular

More like this
Related

Khang khyrdep ka FKJGP ia ki dukan bar jylla bym don Trading Licence ha khappud ka EKH

Shillong, Jymmang 02 : Ka Federation of Khasi Jaintia...

Two Meghalaya climbers complete ‘Grade A’ courses at Himalayan Mountaineering Institute

Shillong, May 2: Two members of the Meghalaya Sport...

Ioh ‘Grade A’ ki dkhot ka MeSCMA ha ka jinghikai kiew lum

Shillong, Jymmang 2: Ki ar ngut ki dkhot ka...

Meghalaya expecting 20 lakh visitors in 2025

Shillong, May 2: Tourism Minister Paul Lyngdoh on Friday...