Imphal, Jylliew 8: Ka sorkar kala pynjari da ka curfew hapoh ka jylla Manipur bad la khang ruh ia ka internet na ka bynta san sngi ha ki san tylli ki district ba kynthup ha Bishnupur, Imphal West, Imphal East, Thoubal, bad ha Kakching, hadien ka jingiakhih kaba la mih ha ka miet sngi Saitjain na ka jingshah kem ki nongialam ba ha khmat eh ka kynhun samla Meitei kaba la tip Arambai Tenggol (AT).
Ka jingshah kem jong u Kanan Singh, uba dei u nongialam hapoh jong ka kynhun AT, kynsan kynsan ki paidbah kila ia mih sha surok jong ka nongbah Imphal. Ki nongiakhih pyrshah kiba bun kidei ki samla Meitei ha kaba kila khang lynti ia ka surok da kaba thang tyre bad pyrta ruh ia ka slogan ban dawa pyllait mardor ia u Singh. Katkum ki video la iohi ia ki paidbah babun kiba la ia lum lang, wat hapdeng ka jingpyrkhing ki bor pahara.
Ia ka kynhun AT, la ju kynnoh da ka kynhun ki jaitbynriew Kuki ba ki ju wan ban thombor ha ki shnong ki thaw jong ki, ha ka por ba ka don ka jingiaumsnam hapoh ka jylla. Ki don ki katto katne ki demonstrators kiba la kam ba ka kynhun AT kala had surrendered ia ki suloi tuh hadien ka jingkyrpad u Lat ka jylla u Anusuiya Uikey bad kim don shuh mynta ia ki tiar siat ia kaba ym shym pat lah satia ban pynshisha.
Ka jinglong jingman ha kane ka thain ka dang iai bteng namar ba ha ki jaka ba shong basah ba bun kidei ki Kuki ha jaka lum jong ka sor Moreh, ha kaba kynhun ne (civil society) kala pynlong da ka shutdown ne ka jingkhang dam ha Tengnoupal district ban pyrshah ia kaba ki khot “arbitrary arrest” jong u Kamginthang Gangte.
Ia u Gangte la kynnoh ba u la siat ia u police officer u Chingtham Anand da ka sniper rifle ha u bnai Risaw jong u snem 2023. Kane ka jingshah kem jong u kala pynbitar ia ki kynhun jong ka jaitbynriew Kuki.
Ka National Investigation Agency (NIA), kala lap ba ki don katto katne ki heh ki hain lane high-profile kiba donkti ha ka jingiakynad kaba la jia ha Manipur, la ong yn hap ban peit bniah ia baroh ar tylli ki case jong u Gangte bad kumjuh ruh ia u heh duh ka AT u Korounganba Khuman’s.
Ka tyllong khubor ba iajan bad ki pulit kila kubur ba ka jingjia hapoh ka jylla kala phiah ha kaba iadei bad ka jingsngew ha ka jingtohkit ha kaba baroh ar kynhun ki Meitei bad ki jaitbynriew Kuki bad ka jingbteng ban kem ia ki riew shimet kiba dei na ki kynhun jong ki.
Ka jylla kaba la sdang biang ia ka jingiakynad, ki bor ba dei khmih kila ong ba ki lad jingiada kum ka curfew bad ka jingkhang ia ki internet ne (communication blackouts ) ki long kiba donkam ban khang lad ia ka jingpur sted.
Ki heh ophisar ki peit pyrman bha ia kine ki ar jaitbynriew bad kumjuh ruh ia ka jinglong jingman ban lait na ka jingiatyngkhuh jong kine ki ar tylli ki jaitbynriew ban pynneh ia ka shongsuk shongsain hapoh ka jylla.
